ભાવનગર લઠ્ઠાકાંડ હાઈકોર્ટમાં પહોંચ્યો: નિવૃત્ત જજની તપાસ અને વળતરની માંગ

Bhavnagar Hooch Tragedy ભાવનગર જિલ્લાના ખરકડી ગામમાં કથિત લઠ્ઠાકાંડમાં ઝેરી દારૂના સેવનથી સર્જાયેલી ગંભીર દુર્ઘટનાનો મામલો હવે ગુજરાત હાઈકોર્ટમાં પહોંચ્યો છે. આ દારૂકાંડમાં ન્યાયિક દખલગીરીની માંગ સાથે હાઈકોર્ટમાં લેખિત અરજી દાખલ કરવામાં આવી છે, જેમાં નિવૃત્ત જજની અધ્યક્ષતામાં તપાસ અને પીડિતો માટે વળતરની માંગ કરવામાં આવી છે.

Bhavnagar Hooch Tragedy નિવૃત્ત ન્યાયાધીશના નેતૃત્વમાં તપાસની માંગ (Judicial Inquiry Demand)

• એડવોકેટ નીતિન ટી. ગાંધી દ્વારા ગુજરાત હાઈકોર્ટના ચીફ જસ્ટિસ સમક્ષ એક મહત્વપૂર્ણ કાનૂની રજૂઆત સુપરત કરવામાં આવી છે.

• લેખિત અરજીમાં મુખ્ય માંગ કરવામાં આવી છે કે સમગ્ર દુર્ઘટનાની તપાસ સુપ્રીમ કોર્ટ અથવા હાઈકોર્ટના નિવૃત્ત ન્યાયાધીશની અધ્યક્ષતામાં એક વિશેષ સમિતિ બનાવીને કરાવવામાં આવે.

• આ તપાસ સમિતિમાં ક્રિમિનલ ઈન્વેસ્ટિગેશન, ફોરેન્સિક સાયન્સ, ટોક્સિકોલોજી અને આબકારી કાયદાના નિષ્ણાતોનો સમાવેશ કરવા તેમજ માત્ર નીચલા સ્તરના છૂટક દારૂ વેચનારા જ નહીં, પરંતુ ઝેરી કેમિકલ મિથેનોલની ખરીદી, ઉત્પાદન, પેકેજિંગ, પરિવહન અને આંતરરાજ્ય વિતરણમાં સંડોવાયેલા તમામ મુખ્ય આરોપીઓ અને ફાઈનાન્સરની સઘન ઓળખ કરવા માંગ કરવામાં આવી છે.

ન્યાયિક તપાસ અને વળતરની મુખ્ય માંગ (Key Demands & Compensation)

• મોટાપાયે ચાલતા ગેરકાયદેસર નેટવર્ક પાછળ કોઈ પોલીસ, પ્રોહિબિશન કે અન્ય વહીવટી અધિકારીઓની બેદરકારી છે કે કેમ, તેની સ્વતંત્ર ન્યાયિક તપાસ કરવા માંગ કરવામાં આવી છે.

• કેસ સંબંધિત ઝેરી દારૂના સેમ્પલ, બોટલ, કેમિકલ રિપોર્ટ, FSL ડેટા, CCTV ફૂટેજ અને તમામ નાણાકીય વ્યવહારોના પુરાવાનો તાત્કાલિક ધોરણે સુરક્ષિત સંગ્રહ કરવા અપીલ કરાઈ છે.

• હાઈકોર્ટમાં દાખલ અરજીમાં મૃતકોના પરિવારો તેમજ કાયમી વિકલાંગતા કે ગંભીર બીમારીનો ભોગ બનેલા પીડિતો માટે રાજ્ય સરકાર યોગ્ય વળતર અને પુનર્વસવાટ યોજના લાગુ કરે તેવી માંગ છે.

અસરગ્રસ્તોનો સત્તાવાર આંકડો અને સ્થિતિ (Casualty and Medical Status)

21 ઓગસ્ટ 2026 ના રોજ સવારે 3:00 વાગ્યા સુધીના સત્તાવાર આંકડા અનુસાર, આ ઝેરી દારૂના સેવનથી અસરગ્રસ્ત થયેલા લોકોની કુલ સંખ્યા 61 પર પહોંચી ગઈ છે:

• કુલ મૃત્યુઆંક: અત્યાર સુધીમાં હોસ્પિટલના રેકોર્ડ અનુસાર 8 લોકોના મોત થયા છે.

• સારવાર હેઠળ: હાલમાં 25 દર્દીઓ હોસ્પિટલમાં સારવાર હેઠળ છે, જેમાંથી 15 દર્દીની સ્થિતિ સ્થિર (Stable) છે, 5 દર્દીઓ ICU માં છે, 4 દર્દીની હાલત અત્યંત ગંભીર (Critical) છે અને એક દર્દી વેન્ટિલેટર પર જીવન-મરણ વચ્ચે ઝોલા ખાઈ રહ્યો છે.

• ડિસ્ચાર્જ અને OPD: ગઈકાલે વધુ 5 દર્દીઓને હોસ્પિટલમાં દાખલ કરવામાં આવ્યા છે, જ્યારે 10 દર્દીઓને રજા (Discharged) આપવામાં આવી છે. આ ઉપરાંત, 18 દર્દીઓ હોસ્પિટલ પહોંચ્યા હતા, પરંતુ તબીબી સલાહ લીધા બાદ ઘરે પરત ફર્યા છે.