GSRTC Privatization Controversy: ગુજરાત રાજ્ય માર્ગ વાહન વ્યવહાર નિગમ [GSRTC] માં પરિવહન સેવાઓના સુધારાના નામે ‘છાનું-છપનું’ ખાનગીકરણ [Privatization] થઈ રહ્યું હોવાના આક્ષેપો ઉઠ્યા છે. એસટી નિગમ હવે નવી 1200 બસો ખાનગી ટ્રાવેલ્સ કંપનીઓ પાસેથી ભાડે [Lease] લેવાની તૈયારી કરી રહ્યું છે. અત્યાર સુધી માત્ર બસોના ઉત્પાદન સુધી મર્યાદિત રહેલું પબ્લિક પ્રાઇવેટ પાર્ટનરશિપ [PPP Model] હવે સીધું બસ સંચાલન સુધી પહોંચી ગયું છે, જેના કારણે સરકારી તિજોરી પર કરોડોનું ભારણ વધવાની શક્યતા છે.
એસટી નિગમ હવે 1200 નવી બસો ભાડે લેશે (GSRTC Privatization Controversy)
કર્મચારી સંગઠનોના જણાવ્યા મુજબ, નિગમે અગાઉથી જ 250 જેટલી પ્રીમિયમ એસી [AC] અને વોલ્વો [Volvo] બસો ભાડે લીધેલી છે, જેના માટે દર મહિને 13 કરોડ રૂપિયા ચૂકવવામાં આવે છે. હવે ટેન્ડર પ્રક્રિયા [Tender Process] દ્વારા વધુ 1200 બસો લાવવાનું આયોજન છે. જેમાં 500 એસી, 500 મિની બસ, 100 એસી લક્ઝરી અને 100 એસી સ્લીપર બસોનો સમાવેશ થાય છે. આ આયોજનને કારણે નિગમ દેવાના ડુંગર નીચે દબાઈ જશે તેવી ભીતિ સેવાઈ રહી છે.
અઢી વર્ષના ભાડામાં આવી શકે નવી બસો (Cost Analysis of Hired Buses)
નિગમના આ ભાડાના ગણિતમાં ભારે વિસંગતતા જોવા મળી રહી છે. એક નવી એસી કે વોલ્વો બસની કિંમત અંદાજે 1 થી 1.5 કરોડ રૂપિયા હોય છે. જો નિગમ 250 બસો પોતે ખરીદે તો 350 કરોડનો ખર્ચ થાય, પરંતુ હાલ ભાડા પેટે જ વર્ષે 156 કરોડ રૂપિયા ખાનગી કંપનીઓને ચૂકવવામાં આવે છે. એટલે કે માત્ર અઢી વર્ષના ભાડાની રકમમાં નિગમ પોતાની નવી બસો વસાવી શકે તેમ છે. આમ છતાં, 10 વર્ષ સુધી ભાડું ચૂકવીને ખાનગી કંપનીઓની ઝોળી ભરવામાં આવી રહી હોવાના ગંભીર આક્ષેપો થઈ રહ્યા છે.
કર્મચારીઓની આઉટસોર્સિંગથી ભરતી સામે વિરોધ (GSRTC Outsourcing Driver Conductor)
માત્ર બસો જ નહીં, પણ નિગમ હવે માનવબળનું પણ આઉટસોર્સિંગ [Outsourcing] કરવાની તૈયારીમાં છે. બે હજાર ડ્રાઈવર [Driver] અને બે હજાર કંડક્ટર [Conductor] ખાનગી એજન્સી દ્વારા લેવાની હિલચાલ તેજ થઈ છે. એસટી ભારતીય મઝદૂર સંઘના [ST Bharatiya Mazdoor Sangh] અગ્રણી વલ્લભભાઈ વાઘાણીએ [Vallabhbhai Vaghani] આ નિર્ણયનો સખત વિરોધ કર્યો છે. કર્મચારી સંગઠનોએ ચીમકી આપી છે કે જો આ રીતે ખાનગીકરણ ચાલુ રહેશે તો ત્રણેય યુનિયનો સાથે મળીને રાજ્યવ્યાપી આંદોલન [Protest] કરશે.
આ પણ વાંચો: દાહોદમાં ૪૦૦ને ફૂડ પૉઇઝનિંગ: જાણો ખોરાક ક્યારે બગડે?
