Gujarat Police Recruitment: ગુજરાત પોલીસ રિક્રૂટમેન્ટ બોર્ડ દ્વારા તાજેતરમાં બિન હથિયારી પોલીસ સબ ઇન્સ્પેક્ટર (PSI) માટે લેવાયેલી શારીરિક કસોટીનું પરિણામ જાહેર કરવામાં આવ્યું હતું. આ કસોટી તા. 08 જાન્યુઆરી, 2025ના રોજ રાજ્યના 15 પરીક્ષા કેન્દ્રોમાં યોજાઈ હતી. હવે, બોર્ડ દ્વારા આ કસોટીમાં પાસ થયેલા ઉમેદવારો માટે આગામી લેખિત પરીક્ષાની તારીખ જાહેર કરી દેવામાં આવી છે.
લેખિત પરીક્ષા ક્યારે યોજાશે?
શારીરિક કસોટીમાં સફળ થયેલા ઉમેદવારો માટે PSI સંવર્ગની લેખિત પરીક્ષા તા. 13 એપ્રિલ, 2025 (રવિવાર) ના રોજ યોજાશે.
પેપર-1 (3 કલાક)
પેપર-2 (3 કલાક)
બન્ને પેપર એક જ દિવસે લેવામાં આવશે. ઉમેદવારોને ભરતી બોર્ડની અધિકૃત વેબસાઇટ પરથી તમામ અપડેટ ચેક કરતા રહેવાની સલાહ આપવામાં આવે છે.
15 કેન્દ્રો પર શારીરિક કસોટી યોજાઈ હતી
08 જાન્યુઆરી, 2025ના રોજ ગુજરાતના 15 પરીક્ષા કેન્દ્રો પર PSI શારીરિક કસોટી યોજાઈ હતી. પરીક્ષા પૂર્ણ થયા બાદ, બોર્ડ દ્વારા ઉતીર્ણ થયેલા ઉમેદવારોની યાદી જાહેર કરવામાં આવી હતી.
