ગુજરાતમાં રાજ્ય સરકારે ‘ગુમાસ્ત ધારા’ (દુકાનો અને સ્થાપના અધિનિયમ) સંબંધિત કાયદામાં એક અત્યંત મહત્વપૂર્ણ સુધારો કર્યો છે. આ સુધારાના પરિણામે હવે રાજ્યભરમાં દુકાનો, મોલ, રેસ્ટોરન્ટ, હોટલ, કાફે, ગેરેજ અને શોરૂમ જેવા તમામ વ્યાપારી મથકો 24 કલાક ખુલ્લા રહી શકશે. વિધાનસભાના ચોમાસા સત્રના છેલ્લા દિવસે રજૂ કરાયેલા આ વિધેયક બાદ હવે પોલીસ કે અન્ય સ્થાનિક અધિકારીઓ માત્ર સમયમર્યાદાના બહાને આવા વ્યાપારી એકમોને જબરદસ્બંતી બંધ કરાવી શકશે નહીં.
નિયમો અને પાલન સંબંધિત મુખ્ય બાબતો
-
જરૂરી નિયમોનું પાલન: વ્યાપારી મથકો રાઉન્ડ ધ ક્લોક ખુલ્લા રાખી શકાશે, પરંતુ તેની સાથે સ્વચ્છતા, ટ્રાફિક વ્યવસ્થાપન અને જાહેર સલામતી સંબંધિત તમામ સરકારી નિયમોનું ચુસ્તપણે પાલન કરવાનું રહેશે.
-
સમય મર્યાદા દૂર: અગાઉની સિસ્ટમ મુજબ મ્યુનિસિપલ અને રાજ્ય ધોરીમાર્ગ વિસ્તારોમાં દુકાનો સવારે 2 થી 6 વાગ્યા સુધી અને અન્ય વિસ્તારોમાં રાત્રે 11 થી સવારે 6 વાગ્યા સુધી બંધ રાખવી ફરજિયાત હતી, જે જૂની સમયમર્યાદા હવે સત્તાવાર રીતે દૂર કરવામાં આવી છે.
-
કર્મચારીઓના અધિકારો અને સુરક્ષા: દુકાનો ભલે 24 કલાક ખુલ્લી રહે, પરંતુ તેનો અર્થ એ નથી કે કર્મચારીઓ સતત અને અનિયમિત કલાકો સુધી કામ કરશે. કર્મચારીઓના કામના કલાકો, સાપ્તાહિક રજાઓ, વેતન અને સુરક્ષા સહિતના તમામ કાનૂની અધિકારો અને જોગવાઈઓ અગાઉની જેમ જ સંપૂર્ણપણે યથાવત રહેશે.
આ નવા અને દીર્ઘદ્રષ્ટિવાળા નિર્ણયથી રાજ્યના અર્થતંત્ર, નાઇટ લાઇફ અને વ્યાપારી ગતિવિધિઓને નવો વેગ મળશે, સાથે જ રોજગારીની નવી તકો પણ ઊભી થશે.
