Record-Breaking Innings તિરુવનંતપુરમમાં વેસ્ટ ઇન્ડિઝ સામે રમાયેલી પ્રથમ વન-ડે મુકાબલામાં ભારતે 8 વિકેટે શાનદાર વિજય મેળવ્યો છે. પ્રથમ બેટિંગ કરતા વેસ્ટ ઇન્ડિઝની ટીમે નિર્ધારિત ઓવરોમાં 7 વિકેટે 295 રન બનાવ્યા હતા. જેના જવાબમાં ભારતીય ટીમે માત્ર 2 વિકેટ ગુમાવીને 300 રન બનાવીને મેચ જીતી લીધી હતી. આ જીત સાથે જ ભારતે ત્રણ મેચની શ્રેણીમાં 1-0ની સરસાઈ મેળવી લીધી છે.
Record-Breaking Innings : વિરાટ કોહલીની રેકોર્ડબ્રેક સદી અને 15,000 રન પૂરા
આજની મેચના મુખ્ય હીરો વિરાટ કોહલી અને કેપ્ટન શુભમન ગિલ રહ્યા હતા.વિરાટ કોહલીની ઐતિહાસિક ઇનિંગ: વિરાટ કોહલીએ માત્ર 88 બોલમાં અણનમ 139 રનની ધમાકેદાર ઇનિંગ રમી હતી, જેમાં 10 ચોગ્ગા અને 9 છગ્ગા સામેલ હતા. તેમણે વેસ્ટ ઇન્ડિઝ સામે માત્ર 74 બોલમાં પોતાની સદી પૂરી કરી હતી.
વન-ડે ક્રિકેટમાં 15,000 રન:
આ શાનદાર ઇનિંગ દરમિયાન વિરાટ કોહલીએ વન-ડે ક્રિકેટમાં પોતાના 15,000 રન પૂરા કર્યા હતા અને આ મુકામ પર પહોંચનારા દુનિયાના બીજા બેટ્સમેન બન્યા છે. કોહલીએ 303 ઇનિંગ્સમાં આ સિદ્ધિ મેળવી છે.આ વન-ડે કારકિર્દીની 55મી સદી સાથે જ કોહલી વન-ડે ઇતિહાસના એવા એકમાત્ર બેટ્સમેન બની ગયા છે જેમણે બે અલગ-અલગ ટીમો (શ્રીલંકા અને વેસ્ટ ઇન્ડિઝ) સામે 10 કે તેથી વધુ સદી ફટકારી હોય.
Captain’s Knock: કેપ્ટન શુભમન ગિલની શાનદાર સદી
ભારતીય ટીમ માટે લક્ષ્યનો પીછો કરવા ઉતરેલા કેપ્ટન શુભમન ગિલે પણ વિરાટ કોહલી સાથે મળીને શાનદાર બેટિંગ પ્રદર્શન કર્યું હતું.ગિલની સદી: શુભમન ગિલે 108 બોલમાં 110 રનની મહત્વપૂર્ણ ઇનિંગ રમી હતી. તેમણે પોતાની ઇનિંગ દરમિયાન 13 ચોગ્ગા અને 1 છગ્ગો ફટકાર્યો હતો.રોહિત શર્માએ 35 બોલમાં 32 રનનું યોગદાન આપ્યા બાદ ગિલ અને કોહલીએ વિજયી ભાગીદારી નોંધાવી ભારતને આસાન વિજય અપાવ્યો હતો.
