US Iran Conflict Expansion:અમેરિકાઅને ઈરાન વચ્ચે ચાલી રહેલું સૈન્ય સંઘર્ષ હવે સમગ્ર મિડલ ઈસ્ટમાં દાવાનળની જેમ ફેલાઈ ગયું છે. રાષ્ટ્રપતિ ડોનાલ્ડ ટ્રમ્પના આદેશ પર અમેરિકી સેનાએ સ્ટ્રેટ ઓફ હોર્મુઝમાં ઈરાનના ઠિકાનાઓ પર કરેલા પ્રચંડ હુમલાના જવાબમાં ઈરાને પલટવાર કર્યો છે. ઈરાની સૈન્ય દ્વારા અમેરિકાના સાથી દેશો એવા જોર્ડન (Jordan) અને દ્વીપ દેશ બહેરીન (Bahrain) ને નિશાન બનાવીને ઉપરાઉપરી મિસાઈલ અને ડ્રોન હુમલા કરવામાં આવ્યા છે. ઈરાનના આ આક્રમણ બાદ બહેરીનની રાજધાની સહિત અનેક વિસ્તારોમાં મિસાઈલ એલર્ટના સાયરન ગુંજી ઉઠ્યા છે, જેને પગલે સમગ્ર વિસ્તારમાં ભારે અફરાતફરી અને દહેશતનો માહોલ છે.
US Iran Conflict Expansion બહેરીનમાં મિસાઈલ એલર્ટના સાયરન ગુંજ્યા, નાગરિકોમાં દહેશત
આંતરરાષ્ટ્રીય મીડિયા અહેવાલો અનુસાર, ઈરાન તરફથી બેલિસ્ટિક મિસાઈલો છોડવામાં આવ્યા બાદ બહેરીનની સૈન્ય ડિફેન્સ સિસ્ટમ સક્રિય થઈ ગઈ હતી અને દેશભરમાં ઈમરજન્સી એર-રેડ સાયરન (Air-raid sirens) વગાડવામાં આવ્યા હતા. બહેરીન સરકારે પોતાના નાગરિકોને તાત્કાલિક બંકરો અને સુરક્ષિત સ્થળોએ આશરો લેવા માટે કડક આદેશ આપ્યા છે. સોશિયલ મીડિયા પર વાયરલ થઈ રહેલા વીડિયોમાં રાતના અંધકારમાં ગુંજી રહેલા સાયરનનો અવાજ યુદ્ધની ભયાનકતાની ગવાહી આપી રહ્યો છે.
જોર્ડન અને બહેરીનને કેમ નિશાન બનાવ્યા? ઈરાનનો ખુલ્લો દાવો [Iran Retaliation Targets]
ઈરાનના ઇસ્લામિક રિવોલ્યુશનરી ગાર્ડ કોર્પ્સ (IRGC) એ આ હુમલાની સત્તાવાર જવાબદારી સ્વીકારતા સ્પષ્ટ શબ્દોમાં જણાવ્યું છે કે, બહેરીન અને જોર્ડન પર કરવામાં આવેલી સૈન્ય કાર્યવાહી અમેરિકી હુમલાનો સીધો જવાબ છે. ઈરાનનો આરોપ છે કે આ બંને દેશો પોતાની ધરતી પર અમેરિકી સૈન્ય મથકો (US Military Bases) ને આશરો આપી રહ્યા છે, જેનો ઉપયોગ ઈરાન વિરુદ્ધ કરવામાં આવ્યો છે.
અમેરિકી નેવીનું સેન્ટર: બહેરીનમાં જ અમેરિકી નૌસેનાની શક્તિશાળી ‘ફિફ્થ ફ્લીટ’ (US Navy’s Fifth Fleet) નું મુખ્ય મથક આવેલું છે, જેને કારણે ઈરાને તેને પોતાનું મુખ્ય નિશાન બનાવ્યું છે.
જોર્ડનની ભૂમિકા: જોર્ડનની સરહદોનો ઉપયોગ પણ અમેરિકી ફાઈટર જેટ્સ દ્વારા ઈરાન વિરુદ્ધ ઓપરેશન કરવા માટે કરાયો હોવાનો તેહરાનનો દાવો છે.ઈરાને ખુલ્લી ધમકી આપી છે કે જો મિડલ ઈસ્ટનો કોઈપણ દેશ અમેરિકાને ઈરાન વિરુદ્ધ પોતાની જમીન કે આકાશનો ઉપયોગ કરવા દેશે, તો તેને પણ ઈરાની મિસાઈલોનો સામનો કરવો પડશે. આ તાજા હુમલા બાદ અમેરિકા, ઈઝરાયેલ અને બહેરીનની સેના હાઈ એલર્ટ પર આવી ગઈ છે અને મિડલ ઈસ્ટમાં સંપૂર્ણ મહાયુદ્ધ (World War III Alert) ફાટી નીકળવાની અણીપર છે.
