Sriganganagar Railway Track Blast રાજસ્થાનના શ્રીગંગાનગર જિલ્લામાં રેલ્વે ટ્રેક પર એક શક્તિશાળી વિસ્ફોટ થયો હતો. અનુપગઢ-સુરતગઢ ટ્રેન પસાર થયાના થોડા સમય પછી આ ઘટના બની હતી. શ્રીગંગાનગરમાં ટ્રેનને ઉડાવી દેવાના મોટા કાવતરાને નિષ્ફળ બનાવવામાં આવ્યો છે. અનુપગઢથી ભટિંડા જતી ટ્રેનને નિશાન બનાવવાનો પ્રયાસ કરવામાં આવ્યો હતો. અહેવાલો અનુસાર, મંગળવારે અનુપગઢ-સુરતગઢ રેલ્વે લાઇન પર ૫૦ જીબી ગામ પાસે આ વિસ્ફોટ થયો હતો.
Sri Ganganagar, Rajasthan: Two cement pillars supporting railway tracks damaged in a suspected blast near 50 GB village on the Anupgarh-Suratgarh railway line. An FSL team is being called to the spot to examine the evidence. It is too early to ascertain the exact nature of the incident. There is no established link with the 7.5 kg RDX recently recovered in the border region. An investigation is underway: SP Sri Ganganagar, Harishankar
(Picture: Sri Ganganagar Police)
— ANI (@ANI) November 4, 2026
પ્રાથમિક માહિતી અનુસાર, વિસ્ફોટથી ટ્રેકને નુકસાન થયું હતું. સદનસીબે કોઈ જાનહાનિ થઈ નથી કારણ કે ટ્રેન ત્યાંથી પસાર થઈ ચૂકી હતી. ઘટનાની માહિતી મળતાં જ સુરક્ષા એજન્સીઓ અને રેલવે અધિકારીઓ ઘટનાસ્થળે દોડી આવ્યા હતા અને તપાસ શરૂ કરી દીધી છે. વિસ્તારમાં સુરક્ષા વધારી દેવામાં આવી છે. વિસ્ફોટનું ચોક્કસ કારણ અને અન્ય ગેરરીતિઓની શક્યતા તપાસ હેઠળ છે.
Sriganganagar Railway Track Blast: ATS અને FSL ટીમ દ્વારા તપાસ શરૂ
વિસ્ફોટ એટલો શક્તિશાળી હતો કે તેનાથી રેલવે ટ્રેક નીચે બે થી ત્રણ સિમેન્ટ સ્લીપર પિલરને નુકસાન થયું હતું. સિમેન્ટના થાંભલાની અંદરનો રેલ ભાગ બહાર નીકળી ગયો અને ક્લિપર્સ પણ ટ્રેક પરથી ફાટી ગયા હતા. શ્રીગંગાનગરના પોલીસ અધિક્ષક હરિ શંકર તાત્કાલિક ઘટનાસ્થળે પહોંચ્યા હતા. આતંકવાદ વિરોધી ટુકડી (ATS) અને FSL સહિતની તપાસ એજન્સીઓની ટીમો પણ ઘટનાસ્થળે પહોંચી ગઈ છે અને પુરાવા એકઠા કરી રહી છે. બોમ્બ ડિસ્પોઝલ સ્ક્વોડ પણ આ મામલેની ઝીણવટભરી તપાસ કરી રહી છે. અધિકારીઓએ જણાવ્યું છે કે સંપૂર્ણ તપાસ બાદ જ વિગતવાર ખુલાસો કરવામાં આવશે.
