Varsola Shala Praveshotsav : ખેડા જિલ્લાના (Kheda District) મહેમદાવાદ તાલુકાના વરસોલા ગામની (Varsola Village) પ્રાથમિક શાળા ખાતે શિક્ષણનો મહાઉત્સવ ઉજવાયો છે. અહીં “કન્યા કેળવણી મહોત્સવ અને પ્રગતિ પ્રવેશોત્સવ – 2026” (School Enrollment Drive 2026) અત્યંત હર્ષોલ્લાસ સાથે સંપન્ન થયો. નાના ભૂલકાઓને કુમકુમ તિલક કરી ઉત્સાહભેર શાળામાં પ્રવેશ કરાવવામાં આવ્યો હતો.
Varsola Shala Praveshotsav : કન્યા કેળવણી અને કીટ વિતરણ
આ વિશેષ પ્રસંગે પ્રવેશોત્સવ અંતર્ગત શાળામાં દાખલ થયેલા તમામ વિદ્યાર્થીઓને પ્રોત્સાહિત કરવા શૈક્ષણિક કીટનું (Educational Kits) વિતરણ કરાયું હતું. નવી કીટ મળવાથી બાળકો અને વાલીગણના (Parents) ચહેરા પર ભારે ખુશીનો માહોલ જોવા મળ્યો હતો.
મહાનુભાવોનું પ્રેરક સંબોધન (Dignitaries Motivational Speech)
આ ગૌરવપૂર્ણ કાર્યક્રમમાં રાજ્યના મંત્રી સંજયસિંહ મહિડા (Minister Sanjaysinh Mahida), પૂર્વ કેબિનેટ મંત્રી અને મહેમદાવાદના ધારાસભ્ય અર્જુનસિંહ ચૌહાણ (MLA Arjunsinh Chauhan), વરસોલાના સરપંચ મહેબૂબ પઠાણ (Sarpanch Mahebub Pathan) અને સામાજિક આગેવાન ભાવેશ રાવલ (Bhavesh Raval) અને પૂર્વ ધારાસભ્ય અને ભાજપના નેતા ગૌતમભાઇ ચૌહાણ પણ ખાસ ઉપસ્થિત રહ્યા હતા.
મંત્રી સંજયસિંહ મહિડાનું સંબોધન:
બાળકોને આશીર્વાદ આપતા મંત્રીશ્રી સંજયસિંહ મહિડાએ જણાવ્યું હતું કે, “દીકરીઓને ભણાવવી એ માત્ર એક અભિયાન નથી, પરંતુ નવા અને સશક્ત ભારતના નિર્માણનો પાયો છે. કન્યા કેળવણીથી (Girls Education) જ સમાજનો સર્વાંગી વિકાસ શક્ય છે. રાજ્ય સરકાર છેવાડાના ગામડાઓ સુધી શ્રેષ્ઠ શિક્ષણ પહોંચાડવા કટિબદ્ધ છે.”
ધારાસભ્ય અર્જુનસિંહ ચૌહાણનો શિક્ષણ સંદેશ:
વિદ્યાર્થીઓને પ્રોત્સાહિત કરતા ધારાસભ્ય અર્જુનસિંહ ચૌહાણે પોતાના વક્તવ્યમાં (Motivational Speech) ભારપૂર્વક કહ્યું કે, “શિક્ષણ એ પ્રગતિ અને સફળતાનું સૌથી મોટું શસ્ત્ર છે. વરસોલા ગામના આ નાના બાળકો જ આવતીકાલનું ભવિષ્ય છે. વાલીઓએ જાગૃત બનીને બાળકોને નિયમિત શાળાએ મોકલવા જોઈએ, જેથી તેઓ ઉચ્ચ શિક્ષણ મેળવીને આપણા તાલુકા અને દેશનું નામ રોશન કરી શકે.”
આ પણ વાંચો: નિઝામપુરમાં શિક્ષણનો મહાઉત્સવ: દેવુંસિંહ ચૌહાણ અને સંજયસિંહ મહિડાએ ભૂલકાઓને કરાવ્યો શાળા પ્રવેશ
