અમેરિકામાં તુલસી ગબાડે નેશનલ ઈન્ટેલિજન્સ ડિરેક્ટર પદેથી આ કારણથી આપ્યું રાજીનામું,

Tulsi Gabbard Resigns: અમેરિકાના રાજકારણમાંથી [US Politics] એક અત્યંત મોટા અને ચોંકાવનારા સમાચાર સામે આવ્યા છે. રાષ્ટ્રપતિ ડોનાલ્ડ ટ્રમ્પના [President Donald Trump] વહીવટીતંત્રમાં નેશનલ ઈન્ટેલિજન્સના ડિરેક્ટર (DNI) તરીકે ફરજ બજાવતા તુલસી ગબાડે [Tulsi Gabbard] શુક્રવારે પોતાના પદેથી રાજીનામું આપવાની સત્તાવાર જાહેરાત કરી છે. તેમના આ નિર્ણય પાછળનું કારણ રાજકીય નહીં, પરંતુ અત્યંત પારિવારિક અને સંવેદનશીલ છે. તેમના પતિ અબ્રાહમ વિલિયમ્સને [Abraham Williams] અત્યંત દુર્લભ પ્રકારનું બોન કેન્સર [Bone Cancer] હોવાનું નિદાન થયું છે, જેને કારણે તુલસી ગબાડે પોતાના પતિની સારવાર અને દેખરેખ માટે જાહેર જીવનમાંથી અંતર જાળવવાનો નિર્ણય લીધો છે.

Tulsi Gabbard Resigns : પતિની ગંભીર બીમારી અને રાજીનામાનો સ્વીકાર 

તુલસી ગબાડે રાષ્ટ્રપતિને લખેલા પોતાના રાજીનામાના પત્રને સોશિયલ મીડિયા પ્લેટફોર્મ ‘X’ પર પણ શેર કર્યો હતો. પત્રમાં તેમણે સ્પષ્ટ કર્યું હતું કે, “મારા પતિ અબ્રાહમને તાજેતરમાં જ અત્યંત દુર્લભ પ્રકારના બોન કેન્સરનું [Rare Bone Cancer] નિદાન થયું છે. આ કપરા સમયમાં મારે તેમની પડખે ઊભા રહેવું જોઈએ અને તેમને સંપૂર્ણ ટેકો આપવો જોઈએ, તેથી હું આ જવાબદારીભર્યા પદેથી રાજીનામું આપી રહી છું.” તેમનું આ રાજીનામું આગામી ૩૦ જૂન, ૨૦૨૬ ના રોજથી સત્તાવાર રીતે અમલમાં આવશે. તુલસીએ જણાવ્યું કે તેમના ૧૧ વર્ષના લગ્નજીવનમાં અબ્રાહમ હંમેશા એક મજબૂત આધારસ્તંભ બનીને તેમની પડખે ઊભા રહ્યા છે, જેથી હવે તેમની જરૂરિયાતના સમયે તેઓ તેમને એકલા ન છોડી શકે.

 રાષ્ટ્રપતિ ડોનાલ્ડ ટ્રમ્પની પ્રતિક્રિયા અને નવો કાર્યભાર 

તુલસી ગબાડના રાજીનામા બાદ અમેરિકી રાષ્ટ્રપતિ ડોનાલ્ડ ટ્રમ્પે ‘ટ્રુથ સોશિયલ’ [Truth Social] પર પોસ્ટ કરીને તેમના કાર્યની ભારે પ્રશંસા કરી હતી. ટ્રમ્પે લખ્યું, “તુલસીએ અત્યાર સુધી અદ્ભુત કામગીરી કરી છે, અને અમે તેમની ખોટ ચોક્કસ મહેસૂસ કરીશું. આ કપરા સમયમાં પતિ સાથે રહેવાનો તેમનો નિર્ણય એકદમ યોગ્ય છે.” રાષ્ટ્રપતિએ જાહેરાત કરી છે કે તુલસી ગબાડના રાજીનામા બાદ હવે પ્રિન્સિપલ ડેપ્યુટી ડિરેક્ટર આરોન લુકાસ [Aaron Lukas] એક્ટિંગ ડીએનઆઈ (Acting DNI) તરીકે અમેરિકી ઈન્ટેલિજન્સ વિભાગનો કાર્યભાર સંભાળશે. નોંધનીય છે કે, છેલ્લા કેટલાક સમયમાં ટ્રમ્પ કેબિનેટમાંથી રાજીનામું આપનારા અથવા દૂર થનારા તેઓ ચોથા મહિલા અધિકારી બન્યા છે.

આ પણ વાંચો:  હું કોઈ વિદેશી એજન્ટ નથી!’ PM મોદીને સવાલ કરનારી નોર્વેની પત્રકાર હેલ્લે લિંગેએ કરી સ્પષ્ટતા