Isha Pandya : ગુજરાત અને ખાસ કરીને ચરોતર પંથક માટે વધુ એક અત્યંત ગૌરવની ક્ષણ સામે આવી છે. આણંદની દીકરીએ સાત સમંદર પાર વિદેશી ધરતી પર પોતાની શૈક્ષણિક સિદ્ધિઓનો ડંકો વગાડીને દેશ અને પોતાના વતનનું નામ રોશન કર્યું છે.
Isha Pandya : ડિગ્રી મેળવી
લંડન સ્થિત ઐતિહાસિક અને પ્રખ્યાત સેન્ટ મેરીલેબોન પેરિસ ચર્ચ (St Marylebone Parish Church) ખાતે સિટી ઑફ વેસ્ટમિન્સ્ટર યુનિવર્સિટી (University of Westminster) નો ભવ્ય દીક્ષાંત સમારોહ (Convocation Ceremony) યોજાયો હતો. આ આંતરરાષ્ટ્રીય સ્તરના ગૌરવશાળી સમારોહમાં આણંદની કુમારી ઈશા નરેન્દ્રભાઈ પંડ્યાને વિશેષ ડિગ્રી એનાયત કરવામાં આવી હતી. આ પ્રતિષ્ઠિત યુનિવર્સિટીમાં ઉચ્ચ શિક્ષણ પૂર્ણ કરીને પદવી મેળવવી એ ખૂબ જ જ્વલંત સિદ્ધિ છે. લંડનના આ ભવ્ય પદવીદાન સમારોહમાં ડિગ્રી સ્વીકારતી વખતે ઈશા પંડ્યાએ માત્ર પોતાના પરિવારનું જ નહીં, પરંતુ સમગ્ર ગુજરાતનું ગૌરવ વધાર્યું છે. તેમની આ ઝળહળતી આંતરરાષ્ટ્રીય સિદ્ધિ બદલ પરિવારજનો, સગાસંબંધીઓ અને મિત્ર વર્તુળમાંથી તેમના પર શુભેચ્છાઓનો વરસાદ થઈ રહ્યો છે.
વિદેશી યુનિવર્સિટીમાં અભ્યાસ કરવા છતાં ઈશા પંડ્યાએ પોતાના મૂળ સંસ્કારો અને ભારતીય સંસ્કૃતિ સાથેનો નાતો અકબંધ રાખ્યો છે. અભ્યાસ દરમિયાન પણ તેઓ ભારતીય વિદ્યાર્થી મંડળમાં સક્રિય રહ્યા હતા અને માતૃભાષા ગુજરાતી પ્રત્યેનો તેમનો પ્રેમ હંમેશા જોવા મળ્યો હતો. તેમની આ સફળતા દર્શાવે છે કે યોગ્ય માર્ગદર્શન અને દ્રઢ નિશ્ચય હોય તો વિદેશની ધરતી પર પણ ઉચ્ચ શૈક્ષણિક શિખરો સર કરી શકાય છે અને સાથે સાથે પોતાના મૂળિયાં પણ જાળવી શકાય છે.
ચરોતરના યુવાનો માટે બની પ્રેરણારૂપ
ઈશા પંડ્યાની આ સિદ્ધિ આણંદ અને સમગ્ર ચરોતર પંથકના ઉચ્ચ શિક્ષણ મેળવવાની આકાંક્ષા ધરાવતા યુવાનો માટે એક ઉત્તમ ઉદાહરણ પૂરું પાડે છે. સાધારણ પરિવારમાંથી આવતી દીકરીએ લંડન જેવી આંતરરાષ્ટ્રીય કક્ષાની યુનિવર્સિટીમાં એડમિશન મેળવવાથી લઈને સફળતાપૂર્વક ડિગ્રી પ્રાપ્ત કરવા સુધીની સફર અનેક યુવાનોને પ્રોત્સાહન પૂરું પાડશે. આ સિદ્ધિ સાબિત કરે છે કે મહેનતનો કોઈ વિકલ્પ નથી અને સાચી દિશામાં કરેલો પરિશ્રમ હંમેશા ધાર્યું પરિણામ આપે છે.
અહેવાલ : અઝહર સૈયદ (હાડગુડ)
આ પણ વાંચો: ગૌતમ અદાણી એશિયાના સૌથી ધનવાન વ્યક્તિ બન્યા: મુકેશ અંબાણીને પછાડી મેળવ્યું ટોચનું સ્થાન
