Barrierless Toll Plaza Surat: ગુજરાતના સુરત [Surat] શહેરે પરિવહન ક્ષેત્રે એક નવો ઈતિહાસ રચ્યો છે. સુરતમાં દેશનો પ્રથમ બહુપ્રતિક્ષિત બેરિયરલેસ ટોલ પ્લાઝા [Barrierless Toll Plaza] કાર્યરત થઈ ગયો છે. છેલ્લા ઘણા સમયથી સુરત અને ભરૂચ વચ્ચે આવેલા મુંબઈ-દિલ્હી હાઈવે (NH48) પર આ સિસ્ટમનું ટ્રાયલ ચાલી રહ્યું હતું. હવે વાહનચાલકોએ ટોલ ટેક્સ ભરવા માટે ઊભા રહેવું પડશે નહીં, વાહન પસાર થતા જ ઓટોમેટિક પ્રક્રિયા દ્વારા શુલ્ક કપાઈ જશે. કેન્દ્રીય માર્ગ પરિવહન અને રાજમાર્ગ મંત્રાલય [Ministry of Road Transport and Highways] સમગ્ર દેશમાં આ પ્રકારની આધુનિક વ્યવસ્થા લાગુ કરવા જઈ રહ્યું છે.
NHAI ની શું છે તૈયારી? (Barrierless Toll Plaza Surat)
નેશનલ હાઈવે ઓથોરિટી ઓફ ઈન્ડિયાએ [NHAI] ફેબ્રુઆરી મહિનાથી આ સુવિધાનું ટેસ્ટિંગ શરૂ કર્યું હતું. આશરે બે મહિનાના સફળ ટ્રાયલ બાદ હવે સુરતના કામરેજ [Kamrej] પાસે આ સુવિધાને આખરી ઓપ અપાયો છે. આ ટેકનોલોજીથી ચોર્યાસી ટોલ પ્લાઝા પર જોવા મળતા ટ્રાફિક જામની સમસ્યાનો અંત આવશે. ભારત સરકાર વર્ષ 2026 ના અંત સુધીમાં દેશના 1050 થી વધુ ટોલ પ્લાઝાને એઆઈ બેઝ્ડ મલ્ટી લેન ફ્રી ફ્લો સિસ્ટમ [AI-based Multi-lane Free Flow System] થી સજ્જ કરવાની યોજના ધરાવે છે.
કેવી રીતે કપાશે ટોલ? (Automatic Number Plate Recognition Technology)
આ આખી પ્રક્રિયા ઓટોમેટિક નંબર પ્લેટ રેકગ્નિશન (ANPR) [Automatic Number Plate Recognition] ટેકનોલોજી પર આધારિત છે. હાઈ-રિઝોલ્યુશન કેમેરા [High-resolution Cameras] વાહનોની નંબર પ્લેટ સ્કેન કરશે અને FASTag સાથે જોડાયેલા ખાતામાંથી રકમ સીધી ડેબિટ થઈ જશે. આ વ્યવસ્થા સંપૂર્ણપણે કોન્ટેક્ટલેસ છે. NHAI ના અંદાજ મુજબ, આ સિસ્ટમથી વાહનોને રોકાવું નહીં પડે અને તેઓ 80 કિમી/કલાકની ઝડપે પસાર થઈ શકશે. આનાથી દેશમાં 1,500 કરોડ રૂપિયાના બળતણની બચત થશે અને 6,000 કરોડની વધારાની આવક થશે.
આ પણ વાંચો: કચ્છ: 50 ગાર્ડ્સ વચ્ચેથી ઘોરાડનું બચ્ચું ગુમ, વન વિભાગ લાચાર
