ગુજરાતની 66 નગરપાલિકાઓમાં પ્રમુખની પસંદગી માટે ભાજપ દ્વારા નિરીક્ષકોની વરણી કરવામાં આવી છે. જુનાગઢ મહાનગરપાલિકામાં મેયર અને અન્ય પદાધિકારીઓની પસંદગી કરવામાં આવશે. આ પસંદગીની પ્રક્રિયા 25, 26, 27 ફેબ્રુઆરીના રોજ થશે, જ્યારે 28 ફેબ્રુઆરી અને 1 માર્ચના રોજ પાર્લામેન્ટરી બોર્ડની બેઠક યોજાશે. 1 માર્ચ પછી, તમામ નગરપાલિકાઓને પ્રમુખ અને જુનાગઢ મહાનગરપાલિકાને મેયર મળશે.
જૂનાગઢ મહાનગરપાલિકા – ભાજપનો વિજય
જૂનાગઢ મહાનગરપાલિકાની ચૂંટણીમાં ભાજપનો મોટો વિજય થયો છે. 60 બેઠકોમાંથી 48 બેઠક પર ભાજપ વિજયી રહ્યો હતો. જ્યારે કૉંગ્રેસને 11 બેઠકો મળવી અને એક બેઠક અપક્ષને મળી હતી.
ગુજરાત સ્થાનિક સ્વરાજની ચૂંટણી – ભાજપનો દબદબો
ગુજરાતના સ્થાનિક સ્વરાજની ચૂંટણીના પરિણામોમાં, ભાજપનો ભવ્ય વિજય જોવા મળ્યો છે. 60 નગરપાલિકાઓમાં ભાજપનો કબજો રહ્યો હતો. કૉંગ્રેસને માત્ર એક પાલિકામાં જીત મળી હતી.
પોરબંદર જિલ્લામાં કાંધલ જાડેજાનો દબદબો
પોરબંદર જિલ્લામાં, કુતિયાણા અને રાણાવાવ નગરપાલિકાઓમાં ધારાસભ્ય કાંધલ જાડેજાનો દબદબો રહ્યો હતો, જ્યાં સમાજવાદી પાર્ટીએ વિજય મેળવીને ભાજપને ચિંતામાં મુકી દીધું.
