Gandhinagar Mayor Rupsinh Thakor તરીકે ભાજપે ગાંધીનગર મહાનગરપાલિકાના મેયર પદે 29 વર્ષીય યુવા નેતા રૂપસિંહ ઠાકોરની પસંદગી કરી છે. કેન્દ્રીય ગૃહ અને સહકારિતા મંત્રી અમિત શાહના સંસદીય મતવિસ્તાર ગાંધીનગરમાં ભાજપે મહાનગરપાલિકાની કમાન યુવા નેતાના હાથમાં સોંપીને નવી પેઢીને તક આપવાનો પ્રયોગ કર્યો છે.
ગુજરાતમાં ગયા મહિને સ્થાનિક સ્વરાજ્યની ચૂંટણીઓ પૂર્ણ થઈ હતી. જોકે, ગાંધીનગર મહાનગરપાલિકાના મેયર પદ માટેની પસંદગી બાકી હતી. હવે ભાજપે આ પદ માટે રૂપસિંહ ઠાકોરના નામ પર મહોર મારી છે. ખાસ વાત એ છે કે રૂપસિંહે પોતાની રાજકીય કારકિર્દીની પ્રથમ ચૂંટણી લડી હતી અને ત્યારબાદ તેમને મેયર પદની જવાબદારી મળી છે.
આ પસંદગી સાથે ગાંધીનગર મહાનગરપાલિકામાં યુવા નેતૃત્વને મહત્વ મળ્યું છે. રાજકીય વર્તુળોમાં હાલ Gen Z એટલે કે નવી પેઢીના યુવાનોની ભાગીદારી અંગે ચર્ચા ચાલી રહી છે. આ દરમિયાન ભાજપે રાજ્યની રાજધાનીની મહાનગરપાલિકાની કમાન 29 વર્ષના નેતાને સોંપી છે.
Gandhinagar Mayor Rupsinh Thakor સાથે નવી ટીમની રચના
મેયર તરીકે રૂપસિંહ ઠાકોરની પસંદગી ઉપરાંત ભાજપે અન્ય મહત્વપૂર્ણ હોદ્દાઓ માટે પણ નામ જાહેર કર્યા છે. ડેપ્યુટી મેયર પદની જવાબદારી અંજનાબેન મહેતાને સોંપવામાં આવી છે, જ્યારે સ્થાયી સમિતિના અધ્યક્ષ તરીકે વરિષ્ઠ નેતા મહેન્દ્ર પટેલની પસંદગી કરવામાં આવી છે.
ગુજરાતમાં યુવા નેતૃત્વને આગળ લાવવાના ભાજપના અગાઉના નિર્ણયોમાં નાયબ મુખ્યમંત્રી હર્ષ સંઘવીની નિમણૂકનો પણ ઉલ્લેખ થઈ રહ્યો છે. સંઘવી અગાઉ ભારતીય જનતા યુવા મોરચાના પ્રદેશ અધ્યક્ષ રહી ચૂક્યા છે.
તાજેતરમાં જાપાનમાં યોજાયેલા વાઇબ્રન્ટ ગુજરાત રોકાણકાર સંમેલનના રોડ શોમાં પણ સંઘવીએ ગુજરાત અને દેશનું પ્રતિનિધિત્વ કર્યું હતું. આમ, ગાંધીનગરમાં રૂપસિંહ ઠાકોરની પસંદગી સાથે મહાનગરપાલિકાના નવા નેતૃત્વની કામગીરી પર હવે સૌની નજર રહેશે.
