GMC Election Results ગુજરાતમાં યોજાયેલી સ્થાનિક સ્વરાજ્યની ચૂંટણીઓમાં ભારતીય જનતા પાર્ટીએ પોતાનો દબદબો જાળવી રાખ્યો છે. ગાંધીનગર મહાનગરપાલિકા (GMC) સહિત બનાસકાંઠાની થરા અને દેવભૂમિ દ્વારકાની ઓખા નગરપાલિકામાં ભાજપે સ્પષ્ટ બહુમતી સાથે ભવ્ય વિજય નોંધાવ્યો છે. આગામી વર્ષે યોજાનારી વિધાનસભા ચૂંટણી પૂર્વે આવેલા આ પરિણામો શાસક પક્ષ માટે મોટું પ્રોત્સાહન માનવામાં આવી રહ્યા છે.
GMC Election Results ગાંધીનગર મહાનગરપાલિકા: ભાજપ ૩૮ બેઠકો સાથે વિજયી
-
બેઠકોનું ગણિત: GMC ના ૧૧ વોર્ડની તમામ ૪૪ બેઠકો પર યોજાયેલી ચૂંટણીમાં ભાજપે ૩૮ બેઠકો જીતી લીધી છે. કોંગ્રેસ ૫ બેઠકો સાથે બીજા ક્રમે રહી, જ્યારે ૧ બેઠક અપક્ષના ફાળે ગઈ છે. આમ આદમી પાર્ટી (AAP) એક પણ બેઠક જીતી શકી નથી.
-
વોર્ડ નં. ૨ માં પેનલ તૂટી: વોર્ડ નં. ૨ માં ભાજપના ૪ માંથી ૩ ઉમેદવારો જીત્યા છે, જ્યારે ૧ બેઠક અપક્ષ ઉમેદવારના ફાળે જતાં પેનલ તૂટી હતી.
-
વોર્ડ નં. ૬ માં મોટો અપસેટ: વોર્ડ નં. ૬ માં કોંગ્રેસની આખી પેનલ વિજેતા બનતાં તમામ ૪ બેઠકો કોંગ્રેસના ફાળે ગઈ છે. આ પરિણામ બાદ ભાજપે પુનઃ મતગણતરીની માંગ કરી છે.
થરા અને ઓખા નગરપાલિકામાં પણ ભાજપનું વર્ચસ્વ
-
થરા નગરપાલિકા: બનાસકાંઠાની થરા નગરપાલિકાની કુલ ૨૪ બેઠકોમાંથી ભાજપે ૧૯ બેઠકો પર જીત મેળવી સત્તા જાળવી રાખી છે, જ્યારે કોંગ્રેસને ૫ બેઠકો મળી છે.
-
ઓખા નગરપાલિકા: દેવભૂમિ દ્વારકાની ઓખા નગરપાલિકાની કુલ ૩૬ બેઠકોમાંથી ભાજપે ૩૩ બેઠકો મેળવી છે (જેમાં ૪ બેઠકો બિનહરીફ જાહેર થઈ હતી). કોંગ્રેસના ફાળે માત્ર ૩ બેઠકો આવી છે.
