શેરભજાર કડડભૂસ – ફેબ્રુઆરી મહિનાના છેલ્લા દિવસે પણ શેરબજારમાં ભારે ઘટાડો જોવા મળી રહ્યો છે. સેન્સેક્સ અને નિફ્ટી બંને લાલ નિશાન પર ખુલ્યા. બજારની શરૂઆત ભારે ઘટાડા સાથે થઈ અને નિફ્ટી-સેન્સેક્સે તેમના મહત્વપૂર્ણ સ્તરો તોડી નાખ્યા. નિફ્ટી 22300 ની નીચે ગયો છે. સમાચાર લખાઈ રહ્યા હતા ત્યારે, બોમ્બે સ્ટોક એક્સચેન્જ (BSE) સેન્સેક્સ 700 થી વધુ પોઈન્ટ અને નેશનલ સ્ટોક એક્સચેન્જ (NSE) નિફ્ટી 200 થી વધુ પોઈન્ટ ઘટ્યો હતો.શેરબજારમં 1000 પોઇન્ટનો કડાકો બોલાતા હાહાકાર મચ્યો છે. આ સાથે જ ભારતીય શેરબજારમાં 29 વર્ષની સૌથી લાંબી મંદી જોવા મળી છે. સેન્સેક્સ અને નિફ્ટી સતત પાંચમાં મહિને ઘટ્યા છે. શેરબજારમાં મંદીથી રોકાણકારોને જંગી નુકસાન થયું છે.
શેરભજાર કડડભૂસ -સેન્સેક્સ ૬૮૬.૪૫ પોઈન્ટ ઘટીને ૭૩,૯૨૫.૯૮ પર ખુલ્યો અને નિફ્ટી ૨૧૯.૮૫ પોઈન્ટ ઘટીને ૨૨,૩૨૫.૨૦ પર ખુલ્યો. આ સમયગાળા દરમિયાન લગભગ 539 શેર વધ્યા અને 1702 શેર ઘટ્યા. સમાચાર લખાય છે ત્યાં સુધી, સેન્સેક્સમાં 900 પોઈન્ટથી વધુનો ઘટાડો જોવા મળી રહ્યો છે. આ ઘટાડાને કારણે, BSE લિસ્ટેડ કંપનીઓનું માર્કેટ કેપ 5.8 લાખ કરોડ રૂપિયા ઘટીને 387.3 લાખ કરોડ રૂપિયા થયું.
રોકાણકારોના કરોડો રૂપિયાનું નુકસાન થયું
ફેબ્રુઆરી મહિનાએ વિશ્વભરના રોકાણકારોને લોહીના આંસુ વહાવી દીધા છે, અને મહિનાના છેલ્લા દિવસે પણ બજાર રોકાણકારોને કોઈ રાહત આપી રહ્યું નથી. આજે બજાર ખુલતાની સાથે જ ભારતીય શેરબજારમાં રોકાણકારોના 5.8 લાખ કરોડ રૂપિયાથી વધુના નાણાં ખોવાઈ ગયા. એટલું જ નહીં, શુક્રવારના ટ્રેડિંગ સત્રમાં કોઈ નિફ્ટી ઇન્ડેક્સ લીલા નિશાનથી ઉપર જોવા મળ્યો ન હતો. એકંદરે, BSE પર લિસ્ટેડ કંપનીઓના માર્કેટ કેપમાં રૂ. 5.8 લાખ કરોડનો ઘટાડો થયો.
૨૭ ફેબ્રુઆરી ૨૦૨૫ ના રોજ BSE પર લિસ્ટેડ તમામ શેરનું કુલ માર્કેટ કેપ ૩,૯૩,૧૦,૨૧૦.૫૩ કરોડ રૂપિયા હતું. આજે એટલે કે 28 ફેબ્રુઆરી 2025 ના રોજ, જ્યારે બજાર ખુલ્યું, ત્યારે તે ઘટીને 3.87 લાખ કરોડ રૂપિયા થઈ ગયું. આનો અર્થ એ થયો કે રોકાણકારોની 6 લાખ કરોડ રૂપિયાથી વધુની મૂડી ગુમાવી દીધા છે.
આ પણ વાંચો – સંભલ મસ્જિદમાં રંગકામની મંજૂરી નહીં,અલ્હાબાદ હાઈકોર્ટે ફક્ત સફાઈનો આદેશ આપ્યો
