Surat SBI Bank Robbery: ગુજરાતના આર્થિક પાટનગર સુરત [Surat] માં આજે કાયદો અને વ્યવસ્થાની સ્થિતિ સામે સવાલો ઉભા કરતી એક ગંભીર ઘટના બની છે. ડાયમંડ સિટીના હબ ગણાતા વરાછા [Varachha] વિસ્તારમાં આવેલી સ્ટેટ બેંક ઓફ ઈન્ડિયા [State Bank of India – SBI] ની શાખામાં હથિયારધારી લૂંટારુઓએ ધાડ પાડી હતી. લૂંટારુઓએ બેંકના કર્મચારીઓને બંદૂકની અણીએ બંધક બનાવી આશરે 50 લાખ રૂપિયાની લૂંટ ચલાવી હતી અને પળવારમાં ત્યાંથી રફુચક્કર થઈ ગયા હતા.
વરાછા વિસ્તારમાં મચ્યો હડકંપ (Surat SBI Bank Robbery)
આ ઘટના સુરતના વરાછામાં વસંત ભીખાની વાડી પાસે આવેલી એસબીઆઈ બેંકમાં બની હતી. ધોળા દિવસે થયેલી આ લૂંટને પગલે સમગ્ર વિસ્તારમાં ભયનો માહોલ ફેલાઈ ગયો છે. ઉલ્લેખનીય છે કે આ વિસ્તાર હીરાના કારખાનાઓથી ધમધમતો હોવાથી અહીં સતત લોકોની અવરજવર રહેતી હોય છે. લૂંટારુઓએ બેંક સ્ટાફને ગન પોઈન્ટ પર રાખી આખી લૂંટને અંજામ આપ્યો હતો.
પોલીસનું મેગા સર્ચ ઓપરેશન (Police Mega Search Operation)
ઘટનાની ગંભીરતાને જોતા સુરત પોલીસના ઉચ્ચ અધિકારીઓ [High-ranking Police Officers] તાત્કાલિક ઘટનાસ્થળે દોડી આવ્યા હતા. પોલીસના જણાવ્યા અનુસાર, બેંકના સીસીટીવી ફૂટેજ [CCTV Footage] તપાસવામાં આવ્યા છે, જેના આધારે આરોપીઓની ઓળખ કરવાની પ્રક્રિયા તેજ બનાવવામાં આવી છે. સમગ્ર શહેરમાં નાકાબંધી કરી લૂંટારુઓને પકડવા માટે મેગા સર્ચ ઓપરેશન હાથ ધરવામાં આવ્યું છે. આ બેંક એક કોમ્પ્લેક્સના પહેલા માળે આવેલી છે, જેની બરાબર બાજુમાં એટીએમ પણ આવેલું છે.
આ પણ વાંચો: ગુજરાત AAP નેતા ચૈતર વસાવા અને ગોપાલ ઇટાલિયાની મુશ્કેલી વધી
