Owaisi on Vande Mataram: કેન્દ્ર સરકાર દ્વારા રાષ્ટ્રગીત ‘વંદે માતરમ્’ [Vande Mataram] ને રાષ્ટ્રગાન ‘જન ગણ મન’ [Jana Gana Mana] સમાન વૈધાનિક દરજ્જો આપવાના નિર્ણય પર રાજકીય વિવાદ છેડાયો છે. AIMIM ચીફ અસદુદ્દીન ઓવૈસીએ [Asaduddin Owaisi] સરકારના આ પગલાનો સખત વિરોધ કરતા જણાવ્યું છે કે, ‘વંદે માતરમ્’ ને રાષ્ટ્રગાનની સમકક્ષ ગણી શકાય નહીં. ઓવૈસીના મતે આ ગીત એક દેવીને સમર્પિત છે, જ્યારે ભારતનું બંધારણ કોઈ દેવી કે દેવતાના નામે ચાલતું નથી.
Owaisi on Vande Mataram: ‘ભારત કોઈ દેવીનું નથી’: ઓવૈસીના તીખા પ્રહાર
હૈદરાબાદના સાંસદ અસદુદ્દીન ઓવૈસીએ સોશિયલ મીડિયા પ્લેટફોર્મ ‘X’ પર લાંબી પોસ્ટમાં બંધારણના અનુચ્છેદ 1 [Article 1] નો હવાલો આપ્યો હતો. તેમણે લખ્યું કે, “ઇન્ડિયા, જે કે ભારત છે, તે તેના લોકો છે. દેશ કોઈ દેવી નથી અને તે દેવતાના નામે ચાલતો પણ નથી.” ઓવૈસીએ દલીલ કરી હતી કે બંધારણની પ્રસ્તાવના [Preamble] ‘અમે ભારતના લોકો’ થી શરૂ થાય છે, ‘ભારત મા’ થી નહીં.
Vande Mataram is an ode to a goddess. It cannot be treated on par with the national anthem. Jana Gana Mana celebrates India and its people, not a particular religion. Religion ≠ nation. The man who wrote Vande Mataram was sympathetic to the British Raj and despised Muslims.…
— Asaduddin Owaisi (@asadowaisi) May 7, 2026
બંકિમ ચંદ્ર ચેટર્જી વિશે વિવાદિત નિવેદન
ઓવૈસીએ ‘વંદે માતરમ્’ ના રચયિતા બંકિમ ચંદ્ર ચેટર્જી [Bankim Chandra Chatterjee] ને મુસ્લિમ વિરોધી ગણાવ્યા છે. તેમણે દાવો કર્યો હતો કે રચયિતા બ્રિટિશ રાજ પ્રત્યે સહાનુભૂતિ ધરાવતા હતા. વધુમાં, ઓવૈસીએ કહ્યું કે નેતાજી સુભાષ ચંદ્ર બોઝ, મહાત્મા ગાંધી, પંડિત નેહરુ અને ટાગોરે પણ આ બાબતને સ્વીકારી નહોતી. તેમના મતે ‘જન ગણ મન’ ભારત અને તેના લોકોનું સન્માન છે, કોઈ ચોક્કસ ધર્મનું નહીં.
તેલંગાણા ભાજપનો પલટવાર: ઓવૈસીની તુલના જિન્ના સાથે
ઓવૈસીના વિરોધ બાદ તેલંગાણા બીજેપીના [Telangana BJP] અધ્યક્ષ એન. રામચંદ્ર રાવે [N. Ramachandra Rao] વળતો પ્રહાર કર્યો છે. તેમણે ઓવૈસીની તુલના મોહમ્મદ અલી જિન્ના [Muhammad Ali Jinnah] સાથે કરી હતી. બીજેપી નેતાએ આક્ષેપ કર્યો કે ઓવૈસી દરેક સાંસ્કૃતિક એકતાના પ્રયાસને ધાર્મિક ખતરા તરીકે જુએ છે. તેમણે ઉમેર્યું કે જિન્નાએ પણ શરૂઆતમાં વિરોધ નહોતો કર્યો, પરંતુ બાદમાં ધાર્મિક રાજનીતિ માટે આ હથકંડો અપનાવ્યો હતો.
મોદી સરકારનો મહત્વનો નિર્ણય
ઉલ્લેખનીય છે કે મોદી સરકાર દ્વારા પસાર કરાયેલા નવા પ્રસ્તાવ મુજબ, હવે ‘વંદે માતરમ્’ નું અપમાન કરવું એ ‘જન ગણ મન’ ના અપમાન જેવો જ દંડનીય ગુનો [Punishable Offence] ગણાશે. આ નિર્ણયથી રાષ્ટ્રગીતને તે જ વૈધાનિક સુરક્ષા [Statutory Protection] પ્રાપ્ત થઈ છે જે અત્યાર સુધી માત્ર રાષ્ટ્રગાનને મળતી હતી.
આ પણ વાંચો: તમિલનાડુમાં સરકાર રચવા મુદ્દે વિવાદ: વિજય vs રાજ્યપાલ
