Gujarat government farmer compensation policy મુખ્યમંત્રી ભૂપેન્દ્રભાઈ પટેલના નેતૃત્વમાં ગુજરાત સરકારે ખેડૂતોના હિતમાં એક અત્યંત મહત્વનો અને સંવેદનશીલ નિર્ણય લેતા વીજ લાઇન અને વીજ ટાવર ઊભા કરવા બદલ ખેડૂતોને ચૂકવવામાં આવતા વળતરમાં ધરખમ વધારો કર્યો છે. હવે ખેડૂતોને જંત્રીના દરને બદલે જમીનના ‘પ્રવર્તમાન બજાર ભાવના બમણા દરે’ વળતર ચૂકવવામાં આવશે.સરકાર દ્વારા માત્ર ૨૪ કલાકના ટૂંકા ગાળામાં જ આ અંગેનો સત્તાવાર પરિપત્ર જાહેર કરી દેવામાં આવ્યો છે.
Gujarat government farmer compensation policy સરકારની ત્વરિત કાર્યશૈલી
આ નિર્ણયની સૌથી નોંધપાત્ર બાબત એ છે કે, સરકાર દ્વારા માત્ર ૨૪ કલાકના ટૂંકા ગાળામાં જ આ અંગેનો સત્તાવાર પરિપત્ર જાહેર કરી દેવામાં આવ્યો છે. પ્રવક્તા મંત્રી જીતુભાઈ વાઘાણીએ આ અંગે માહિતી આપતા જણાવ્યું હતું કે, વડાપ્રધાન નરેન્દ્રભાઈ મોદીની ગુજરાત મુલાકાતને લઈને વહીવટી તંત્ર અત્યંત વ્યસ્ત હોવા છતાં, મુખ્યમંત્રી, મંત્રીમંડળ અને સચિવોએ અભૂતપૂર્વ સંકલન સાધીને ખેડૂતોના હિતમાં કોઈ પણ પ્રકારનો વિલંબ કર્યા વગર આ પ્રક્રિયાને ઝડપથી પૂર્ણ કરી છે. આ ઘટના સરકારની ખેડૂતો પ્રત્યેની સંવેદનશીલતા અને ત્વરિત નિર્ણય લેવાની કાર્યશૈલીનું ઉત્કૃષ્ટ ઉદાહરણ પૂરું પાડે છે.
ખેડૂતોને મળશે મોટો આર્થિક લાભ
અગાઉ વળતરની ચૂકવણી માત્ર જંત્રીના આધારે કરવામાં આવતી હતી, જે ખેડૂતો માટે પૂરતી નહોતી. ખેડૂત સંગઠનોની સતત માંગણીઓને માન આપીને સરકારે હવે ‘બજાર ભાવના બમણા દરે’ વળતર ચૂકવવાનો નિર્ણય લીધો છે. આ નિર્ણયથી રાજ્યના હજારો ખેડૂતોને મોટો આર્થિક લાભ થશે. ખેતરમાં વીજ ટાવર કે લાઇન નાખવાથી થતા જમીન અને પાકના નુકસાન સામે હવે ખેડૂતોને ખરા અર્થમાં પોષણક્ષમ વળતર મળી રહેશે. આ નીતિથી ખેડૂતોના જીવનધોરણમાં સુધારો આવશે અને કૃષિ ક્ષેત્રે જમીનમાલિકોને ન્યાય મળશે.ગુજરાત સરકારનો આ ખેડૂતલક્ષી અભિગમ રાજ્યના કૃષિ જગતમાં આવકારદાયક ફેરફાર સાબિત થશે, જેનાથી ખેડૂતોની આર્થિક સ્થિતિ વધુ સદ્ધર બનશે.
આ પણ વાંચો: ગુજરાતમાં મેઘતાંડવ: દક્ષિણ ગુજરાત અને સૌરાષ્ટ્રમાં 12 કલાકમાં તોફાની વરસાદ
