ગુજરાત સરકારનો મોટો નિર્ણય: બિનખેતી (NA) જમીનો માટે 7/12 નો ઉતારો રદ, હવે માત્ર પ્રોપર્ટી કાર્ડ જ રહેશે માન્ય

Gujarat NA Land Property Card 7/12: ગુજરાત રાજ્યના મહેસૂલ વિભાગ દ્વારા જમીન મહેસૂલ રેકોર્ડ સંબંધિત એક અત્યંત મહત્વપૂર્ણ અને નાગરિકલક્ષી નિર્ણય લેવામાં આવ્યો છે. રાજ્યમાં બિનખેતી (NA) થયેલી જમીનો માટે ચાલતો ગામ નમૂના નંબર 7/12 (7-12) રદ કરીને હવે માત્ર પ્રોપર્ટી કાર્ડ જ માન્ય રાખવાનો આદેશ કરવામાં આવ્યો છે. આ નિર્ણયથી જમીન-મિલકત ખરીદ-વેચાણ, ટાઈટલ ક્લિયરન્સ અને બેંક લોન મેળવવાની પ્રક્રિયા વધુ સરળ, સુગમ અને ઝડપી બનશે.

અગાઉ NA થયેલી મિલકતો માટે 7/12 નો ઉતારો અને પ્રોપર્ટી કાર્ડ બંને રેકોર્ડ અલગ અલગ ચાલતા હતા. હવે મહેસૂલ વિભાગ દ્વારા બંને ડેટાનું મેપિંગ કરીને 7/12 બંધ કરી તેને પ્રોપર્ટી કાર્ડ સાથે મર્જ કરવામાં આવી રહ્યું છે. હાલમાં દરેક જિલ્લાની ઈન્સ્પેક્ટર ઓફ લેન્ડ રેકોર્ડ (DILR) કચેરી દ્વારા 7/12 અને પ્રોપર્ટી કાર્ડના ડેટાના એકીકરણની કામગીરી પૂરજોશમાં શરૂ કરી દેવામાં આવી છે.

Gujarat NA Land Property Card AnyROR પોર્ટલ પર જોઈ શકાશે વિગતો

ગામ નમૂના નંબર-7 બંધ થયા પછી પણ નાગરિકોની સુવિધા માટે AnyROR ગુજરાત પોર્ટલ પર તમામ અપડેટ ઉપલબ્ધ રહેશે. મિલકતધારકો AnyROR વેબ પોર્ટલ પરથી વોર્ડ અને શીટ નંબર, જિલ્લા અને સિટી સર્વે કચેરી, જમીનનું સચોટ ક્ષેત્રફળ જેવી તમામ વિગત સરળતાથી જોઈ શકશે. ભવિષ્યમાં જમીન કે મિલકતમાં થનારા

તમામ પ્રકારના ફેરફાર અથવા નોંધો હવેથી સીધી પ્રોપર્ટી કાર્ડમાં જ દર્શાવવામાં આવશે.

નાગરિકો અને મિલકતધારકોને થતા મુખ્ય ફાયદા
મુદ્દો જૂની પ્રક્રિયા નવો સુધારો / ફાયદો
કાનૂની દસ્તાવેજ 7/12 અને પ્રોપર્ટી કાર્ડ (બેવડા કાગળો) એક જ સત્તાવાર દસ્તાવેજ: પ્રોપર્ટી કાર્ડ
નામોમાં તફાવત બે અલગ રેકોર્ડ હોવાથી નામો/ટાઇટલમાં વિસંગતતા ટાઇટલ ક્લિયરન્સ સરળ અને છેતરપિંડીનું જોખમ શૂન્ય
બેંક લોન ટાઇટલ વિવાદોને કારણે લોનમાં સપ્તાહો અટકતા બેંક લોન મંજૂરી અને કાગળ કામગીરીમાં ઝડપ
ક્ષેત્રફળની ભૂલો જમીન ક્ષેત્રફળની ક્ષતિઓ સુધારવામાં વિલંબ પારદર્શક અને કેન્દ્રકૃત ડિજિટલ રેકોર્ડ

આ પણ વાંચો  હવે સરકારી દાખલા પર સિક્કો કરાવવા કચેરીએ જવું નહીં પડે: ડિજિટલ પ્રમાણપત્રો પર જ મળશે ઓફિશિયલ રાઉન્ડ સીલ!