LPG Cylinder Price Hike: દિવાળીના પાવન પર્વ પહેલા સામાન્ય જનતા અને વેપારી વર્ગને મોંઘવારીનો વધુ એક ફટકો લાગ્યો છે. ઓઇલ માર્કેટિંગ કંપનીઓ દ્વારા દર મહિનાની ૧ તારીખે એલપીજી સિલિન્ડરની કિંમતોની સમીક્ષા કરવામાં આવે છે, જેના ભાગરૂપે આ વખતે ૧૯ કિલોના કોમર્શિયલ ગેસ સિલિન્ડરની કિંમતમાં ₹ ૧૦ નો વધારો કરવામાં આવ્યો છે.
ભાવ વધારાના આ નવા દર અનુસાર, દેશની રાજધાની દિલ્હીમાં ૧૯ કિલોના કોમર્શિયલ રાંધણગેસ સિલિન્ડરની કિંમત વધીને ₹ ૨૮૨૦ થઈ ગઈ છે. જ્યારે મુંબઈમાં ₹ ૧૦ વધીને કિંમત ₹ ૨૭૭૪ પર પહોંચી છે. આ ઉપરાંત કોલકાતામાં ₹ ૨૯૬૪, ચેન્નઈમાં ₹ ૨૯૯૪ અને બેંગ્લોરમાં કોમર્શિયલ સિલિન્ડરના ભાવ ₹ ૨૯૦૮ થઈ ગયા છે. ઉલ્લેખનીય છે કે ૧૯ કિગ્રાના આ કોમર્શિયલ ગેસ સિલિન્ડરનો મુખ્ય ઉપયોગ હોટેલ, રેસ્ટોરન્ટ અને અન્ય ખાણીપીણીના વ્યવસાયોમાં થાય છે.
Commercial LPG Gas Cylinder Price Hike: ક્રૂડ ઓઇલના ભાવમાં ઉછાળાની અસર
વિશ્વ બજારમાં ચાલી રહેલી આર્થિક અને રાજકીય અસ્થિરતાની સીધી અસર ઇંધણના ભાવ પર પડી છે. અમેરિકા અને ઈરાન વચ્ચેના તણાવ તેમજ હોર્મુઝ સ્ટ્રેટમાંથી ઈંધણની સપ્લાયમાં વિક્ષેપ પડવાના કારણે આંતરરાષ્ટ્રીય સ્તરે ક્રૂડ ઓઈલના ભાવમાં મોટો ઉછાળો આવ્યો છે, જેના પરિણામે પેટ્રોલ, ડీઝલ અને ગેસના ભાવ પ્રભાવિત થયા છે. અગાઉ ૧ મે, ૨૦૨૬ના રોજ પણ કોમર્શિયલ ગેસ સિલિન્ડરના ભાવમાં મોટો વધારો થયો હતો.
જોકે, સામાન્ય નાગરિકો માટે રાહતના સમાચાર એ છે કે ઓઈલ માર્કેટિંગ કંપનીઓએ સામાન્ય પરિવારો દ્વારા વપરાતા ૧૪ કિલોના ઘરેલુ એલપીજી સિલિન્ડરની કિંમતમાં કોઈ જ ફેરફાર કર્યો નથી, જેથી રસોડાનું બજેટ સુરક્ષિત રહ્યું છે.દિવાળીના પાવન પર્વ પહેલા સામાન્ય જનતા અને વેપારી વર્ગને મોંઘવારીનો વધુ એક ફટકો લાગ્યો છે. ઓઇલ માર્કેટિંગ કંપનીઓ દ્વારા દર મહિનાની ૧ તારીખે એલપીજી સિલિન્ડરની કિંમતોની સમીક્ષા કરવામાં આવે છે, જેના ભાગરૂપે આ વખતે ૧૯ કિલોના કોમર્શિયલ ગેસ સિલિન્ડરની કિંમતમાં ₹ ૧૦ નો વધારો કરવામાં આવ્યો છે.
આ પણ વાંચો PM મોદીએ ગુજરાતમાં કહ્યું – ‘હું છેલ્લા શ્વાસ સુધી દેશની જનતાની સેવા કરતો રહીશ’
