Seeds for Body Cooling: ગરમીના મહિનાઓમાં વધતા તાપમાન [Temperature] સામે શરીરનું મૂળ તાપમાન જાળવી રાખવું એક પડકાર બની જાય છે. ઉનાળામાં વિવિધ પૌષ્ટિક બીજનું [Seeds] સેવન શરીરને માત્ર ઠંડક જ નથી આપતું, પરંતુ તેને જરૂરી પોષણ પણ પૂરું પાડે છે. સબ્જા, તરબૂચ, વરિયાળી અને ચિયા સીડ્સ જેવા બીજ કદમાં ભલે નાના હોય, પરંતુ તેમાં મિનરલ્સ અને વિટામિન્સનો ભંડાર છે. આ કુદરતી સુપરફૂડ્સ [Superfoods] ગરમી ઘટાડવા, પાચન સુધારવા અને ઇમ્યુનિટી વધારવામાં મદદરૂપ થાય છે.
ઉનાળામાં આ બીજ છે ગરમીના ‘સુપરફૂડ’ (Seeds for Body Cooling)
ઉનાળામાં પરસેવા વાટે શરીર ઇલેક્ટ્રોલાઇટ્સ [Electrolytes] ગુમાવે છે, જેને કારણે પાચન ધીમું પડે છે અને સોજા આવી શકે છે. બીજમાં રહેલા ફેટી એસિડ અને ફાઈબર [Fiber] આ સમસ્યાઓમાં રાહત આપે છે.
-
ચિયા સીડ્સ [Chia Seeds]: તે પોતાના વજન કરતા દસ ગણું પાણી શોષી શકે છે. આ કારણે તે શરીરને લાંબા સમય સુધી હાઈડ્રેટેડ રાખે છે.
-
વરિયાળી [Fennel Seeds]: આયુર્વેદ મુજબ વરિયાળી પિત્ત શામક છે. તે એસિડિટી, ગેસ અને ગરમીથી થતા ઉબકાને રોકવામાં મદદ કરે છે.
-
કાકડીના બીજ [Cucumber Seeds]: પાણી અને સિલિકાથી ભરપૂર આ બીજ કિડની માટે અને શરીરમાં પાણીની ઉણપ દૂર કરવા માટે ઉત્તમ છે.
-
સબ્જાના બીજ [Sabja Seeds]: પેટના આંતરિક પડને ઠંડુ કરવા અને એસિડિટી ઘટાડવા માટે સબ્જા બેસ્ટ વિકલ્પ છે.
-
તરબૂચના બીજ [Watermelon Seeds]: મેગ્નેશિયમ અને ઝીંકથી ભરપૂર આ બીજ બ્લડ સર્ક્યુલેશન સુધારે છે અને થાક ઘટાડે છે.
-
ખસખસ [Poppy Seeds]: તે નર્વસ સિસ્ટમને શાંત કરે છે અને ગરમીને કારણે થતી અનિદ્રાની સમસ્યા દૂર કરવામાં મદદ કરે છે.
બીજના સેવનની સાચી રીત (How to consume seeds in Summer)
બીજનું મહત્તમ પોષણ મેળવવા માટે તેને પલાળીને [Soaked Seeds] ખાવા અત્યંત જરૂરી છે. સબ્જા, ચિયા અને ખસખસને સેવનના 15 થી 30 મિનિટ પહેલા પલાળવા જોઈએ. તેને લીંબુ શરબત, ગુલાબનું શરબત, સ્મૂધી કે રાયતામાં ઉમેરી શકાય છે. આ ઉપરાંત, સલાડમાં શેકેલા બીજ ઉમેરવાથી પોષક તત્વોમાં વધારો થાય છે.
આ પણ વાંચો: પંચમહાલ શિક્ષણ વિભાગમાં 2.79 કરોડનું કૌભાંડ, 6 સામે FIR
