Heatwave in Rajkot: રાજકોટ [Rajkot] સહિત સમગ્ર સૌરાષ્ટ્રમાં ગરમીએ કાળો કેર વર્તાવવાનું શરૂ કર્યું છે. આકરી ગરમી અને લૂના [Heatwave] કારણે છેલ્લા 48 કલાકમાં બે વ્યક્તિઓના કરુણ મોત નિપજ્યા છે. હવામાન વિભાગની આગાહી મુજબ, મે મહિનામાં ગરમીનું પ્રમાણ હજુ પણ વધવાની શક્યતા છે, જેને પગલે વહીવટી તંત્ર દ્વારા લોકોને સાવચેત રહેવા અપીલ કરવામાં આવી છે.
હિટસ્ટ્રોકથી બે વ્યક્તિઓના કરુણ મોત (Heatwave in Rajkot)
રાજકોટના મેટોડા [Metoda] જીઆઈડીસી વિસ્તારમાં કારખાનામાં કામ કરતા શ્રમિક શૈલેષ બારીયા [Shailesh Bariya] બાઈક પર જઈ રહ્યા હતા ત્યારે અચાનક ચક્કર આવતા પટકાયા હતા. તેમને તાત્કાલિક 108 મારફતે સિવિલ હોસ્પિટલ [Civil Hospital] ખસેડાયા હતા, જ્યાં ટૂંકી સારવાર બાદ તેમનું મોત નીપજ્યું હતું. બીજી તરફ, રાજકોટના બેડી નાકા પાસે રહેતા કલ્પેશ વ્યાસનું [Kalpesh Vyas] પણ અસહ્ય ગરમીને કારણે મોત થતા પરિવારમાં શોકનું મોજું ફરી વળ્યું છે.
બપોરે ‘કુદરતી કરફ્યુ’ જેવો માહોલ (Loo and High Temperatures in Saurashtra)
સૌરાષ્ટ્ર અને કચ્છમાં પશ્ચિમના ગરમ પવનો ફૂંકાતા તાપમાનનો પારો 44 ડિગ્રીને આંબી ગયો છે. રાજકોટમાં બપોરના સમયે 22 કિમીની ઝડપે ગરમ લૂ [Loo] ફૂંકાતા રસ્તાઓ સુમસામ બન્યા હતા. લોકોએ બપોરે બહાર નીકળવાનું ટાળતા જાણે શહેરમાં અઘોષિત કરફ્યુ લદાયો હોય તેવા દ્રશ્યો સર્જાયા છે. રાત્રિના સમયે પણ લઘુત્તમ તાપમાન ઊંચું રહેતા લોકોને ઉકળાટથી રાહત મળી રહી નથી.
હવામાન વિભાગની ગંભીર આગાહી (IMD Heatwave Warning Gujarat)
ભારતીય હવામાન વિભાગના [India Meteorological Department] મહાનિદેશક મૃત્યુંજય મોહપાત્રાએ [Mrutyunjay Mohapatra] જણાવ્યું છે કે, મે મહિના દરમિયાન ગુજરાત અને મહારાષ્ટ્રમાં હિટવેવના દિવસોની સંખ્યા સામાન્ય કરતા વધુ રહેશે. ખાસ કરીને મેદાની વિસ્તારોમાં તાપમાનનો પારો સતત ઊંચો રહેશે. ગરમ પવનોની અસર મોડી રાત સુધી રહેવાની શક્યતા હોવાથી મુસાફરી કરતા લોકોએ ખાસ તકેદારી રાખવી જરૂરી છે.
આ પણ વાંચો: ઉનાળામાં શરીરને ઠંડુ રાખવા આ 5 બીજનું કરો સેવન | Health Tips
