Kutch Banni Cheetah Project: ગુજરાતમાં વન્યજીવ પ્રેમીઓ માટે લાંબા સમયથી ચાલી રહેલી રાહ હવે ટૂંક સમયમાં પૂર્ણ થવા જઈ રહી છે. કચ્છના [Kutch] બન્ની ઘાસના મેદાનમાં [Banni Grasslands] ચિત્તાના આગમન માટે અંતિમ તબક્કાની વ્યવસ્થાઓની ચકાસણી ચાલી રહી છે. નિષ્ણાતોના મતે બન્નીનો વિસ્તાર ચિત્તાઓના કુદરતી વસવાટ માટે અત્યંત સાનુકૂળ છે. છેલ્લા બે મહિનાથી કેન્દ્રીય નિષ્ણાતોની ટીમ આ વિસ્તારનું સઘન નિરીક્ષણ કરી રહી છે અને વસવાટ માટે જરૂરી તમામ માળખાગત સુવિધાઓ પર સંતોષ વ્યક્ત કર્યો છે.
બન્ની ઘાસના મેદાનમાં ઇન્ફ્રાસ્ટ્રક્ચર તૈયાર (Kutch Banni Cheetah Project)
ગુજરાતના મુખ્ય અગ્ર વન સંરક્ષક [Principal Chief Conservator of Forests] ડો. જયપાલ સિંહે [Dr. Jaypal Singh] માહિતી આપતા જણાવ્યું હતું કે, કેન્દ્ર સરકારના નિષ્ણાતો દ્વારા બે વાર મુલાકાત લીધા બાદ હવે પ્રોજેક્ટ વેગ પકડી રહ્યો છે. ચિત્તાઓને ખુલ્લા મેદાનમાં છોડવા માટેની પૂર્વતૈયારીઓ વન વિભાગ દ્વારા પૂર્ણ કરી લેવામાં આવી છે. આ પ્રોજેક્ટ અંતર્ગત અત્યાર સુધીમાં અંદાજે 20 કરોડ રૂપિયાનો ખર્ચ મંજૂર કરવામાં આવ્યો છે.
600 હેક્ટરમાં ફેન્સિંગ અને સુરક્ષા વ્યવસ્થા (Safety and Fencing in 600 Hectares)
ચિત્તાઓના રક્ષણ અને સુરક્ષા માટે અંદાજે 600 હેક્ટર જેટલા વિશાળ વિસ્તારમાં ક્વોરન્ટાઈન બોમા [Quarantine Boma] અને સોલર ફેન્સિંગની [Solar Fencing] કામગીરી પૂરજોશમાં ચાલી રહી છે. આ વિસ્તારમાં ચિત્તાઓ માટે જાળીવાળા 10 ખાસ પાંજરા પણ તૈયાર કરવામાં આવ્યા છે. વન વિભાગે આધુનિક પશુ ચિકિત્સા સાધનો [Veterinary Equipment] અને જરૂરી દવાઓનો જથ્થો પણ અનામત રાખ્યો છે.
રેસ્ક્યુ વાહનો અને એમ્બ્યુલન્સની ખરીદી (Rescue Vehicles and Ambulance)
ચિત્તાઓના રેસ્ક્યુ અને સ્વાસ્થ્યની દેખરેખ માટે ખાસ એમ્બ્યુલન્સ [Ambulance] અને હાઈ-ટેક રેસ્ક્યુ વાહનોની ખરીદી કરવાની ભલામણ પણ કરવામાં આવી છે. વન વિભાગના અધિકારીઓના જણાવ્યા અનુસાર, બધું આયોજન મુજબ ચાલશે તો ચોમાસા બાદ [After Monsoon] ગુજરાતની ધરતી પર ફરી એકવાર ચિત્તાઓની ગર્જના સાંભળવા મળી શકે છે.
આ પણ વાંચો: ગુજરાતમાં શૂન્ય ટકા ડ્રોપ આઉટ રેશિયો માટે સરકારનો માસ્ટર પ્લાન
