દિવેઆગર બીચ દુર્ઘટના મહારાષ્ટ્રના રાયગઢ જિલ્લામાં આવેલા પ્રખ્યાત દિવેઆગર બીચ પર એક અત્યંત હૃદયદ્રાવક ઘટના સામે આવી છે. અહીં પિકનિક માટે આવેલા પુણેના આઠ વિદ્યાર્થીઓ દરિયાના ઊંડા પાણીમાં ગરકાવ થઈ જતાં તમામનાં મોત નીપજ્યાં છે. સ્થાનિક લોકો અને વોટર સ્પોર્ટ્સની ટીમ દ્વારા તમામ આઠેય વિદ્યાર્થીઓના મૃતદેહ બહાર કાઢવામાં આવ્યા છે.
દિવેઆગર બીચ દુર્ઘટના પિકનિક બની કાળ: ઊંડા પાણીની સમજ ન રહી
પ્રાપ્ત વિગતો અનુસાર, પુણેના આલંડી વિસ્તારમાં ચાલતા “વિનર્સ” નામના ખાનગી કોચિંગ ક્લાસ દ્વારા દિવેઆગર પ્રવાસનું આયોજન કરવામાં આવ્યું હતું. આ ટૂર દરમિયાન કેટલાક વિદ્યાર્થીઓ દરિયામાં નાહવા અને આનંદ માણવા માટે પાણીમાં ઉતર્યા હતા.
જોકે, દરિયાઈ પાણીની ઊંડાઈનો યોગ્ય અંદાજ ન હોવાના કારણે વિદ્યાર્થીઓ અચાનક ઊંડાણમાં ખેંચાઈ ગયા હતા અને જોતજોતામાં આઠ જેટલા વિદ્યાર્થીઓ ડૂબવા લાગ્યા હતા. આ અચાનક બનેલી દુર્ઘટનાથી કિનારે હાજર પ્રવાસીઓ અને સ્થાનિક લોકોમાં ભારે નાસભાગ અને અરેરાટી વ્યાપી ગઈ હતી.
દિવેઆગર બીચ પર રેસ્ક્યુ કામગીરી અને પોલીસ કાર્યવાહી
વિદ્યાર્થીઓને ડૂબતા જોઈને દિવેઆગરમાં મહાકાળી વોટર સ્પોર્ટ્સના માલિક ભાઉ મારુતિ સાલુંખે, તેમના કર્મચારીઓ અને સ્થાનિક ગ્રામજનો તાત્કાલિક દરિયામાં કૂદી પડ્યા હતા. ભારે જહેમત બાદ તમામ આઠ વિદ્યાર્થીઓને પાણીમાંથી બહાર કાઢવામાં આવ્યા હતા, પરંતુ ત્યાં સુધીમાં ગૂંગળામણના કારણે તમામે દમ તોડી દીધો હતો.
ઘટનાની જાણ થતાં જ દિઘી સાગરી બોરલી પંચતાન પોલીસ સ્ટેશનના સહાયક પોલીસ નિરીક્ષક સંતોષ અવતી પોતાની ટીમ સાથે ઘટનાસ્થળે દોડી આવ્યા હતા. પોલીસે તમામ મૃતદેહોનો કબ્જો મેળવીને પોસ્ટમોર્ટમ અને આગળની કાનૂની કાર્યવાહી માટે બોરલી પંચતાન પ્રાથમિક આરોગ્ય કેન્દ્ર ખાતે ખસેડ્યા છે અને સમગ્ર મામલે વધુ તપાસ હાથ ધરી છે.મહારાષ્ટ્રના રાયગઢ જિલ્લામાં આવેલા પ્રખ્યાત દિવેઆગર બીચ પર એક અત્યંત હૃદયદ્રાવક ઘટના સામે આવી છે. અહીં પિકનિક માટે આવેલા પુણેના આઠ વિદ્યાર્થીઓ દરિયાના ઊંડા પાણીમાં ગરકાવ થઈ જતાં તમામનાં મોત નીપજ્યાં છે. સ્થાનિક લોકો અને વોટર સ્પોર્ટ્સની ટીમ દ્વારા તમામ આઠેય વિદ્યાર્થીઓના મૃતદેહ બહાર કાઢવામાં આવ્યા છે.
ગુજરાતી પાયલટ સ્મિત મચ્છારે હવામાં કો-પાયલટનો હુમલો નિષ્ફળ કરી 180 મુસાફરોના જીવ બચાવ્યા
