Glenn Phillips World Record સાથે ન્યૂઝીલેન્ડના બેટર ગ્લેન ફિલિપ્સે ક્રિકેટમાં વિશેષ સિદ્ધિ મેળવી છે. ભારત સામે વેલિંગ્ટનના બેસિન રિઝર્વ મેદાન પર રમાઈ રહેલી પ્રથમ ટેસ્ટની પ્રથમ ઇનિંગ્સમાં તેણે 118 રનની શાનદાર ઇનિંગ્સ રમી હતી. આ સદી સાથે ફિલિપ્સે એક જ કેલેન્ડર વર્ષમાં ભારત સામે ટેસ્ટ, વનડે અને T20 ત્રણેય ફોર્મેટમાં સદી ફટકારવાનો અનોખો રેકોર્ડ બનાવ્યો છે.
29 વર્ષીય ફિલિપ્સે સાતમા ક્રમે બેટિંગ કરવા ઉતરીને 194 બોલમાં પોતાની સદી પૂરી કરી હતી. તે અંતે 216 બોલમાં 14 ચોગ્ગાની મદદથી 118 રન બનાવીને આઉટ થયો હતો. તેની આ ઇનિંગ્સે ન્યૂઝીલેન્ડની ટીમને મજબૂત સ્થિતિમાં પહોંચાડવામાં મદદ કરી હતી.
રોહિત શર્માના ખાસ રેકોર્ડની બરાબરી
ફિલિપ્સે એક જ કેલેન્ડર વર્ષમાં એક જ વિરોધી ટીમ સામે ત્રણેય ફોર્મેટમાં સદી ફટકારવાના રેકોર્ડમાં રોહિત શર્માની બરાબરી કરી છે. રોહિતે 2017માં શ્રીલંકા સામે ટેસ્ટ, વનડે અને T20માં સદી ફટકારી હતી. આ સિદ્ધિ મેળવનારા ફિલિપ્સ વિશ્વના બીજા બેટર બન્યા છે.
The call, the celebration and a hundred to remember! 🙌
Simon Doull and Sunny G join in the applause as Glenn Phillips brings up a magnificent ton.
Watch the HERO VIDA India Tour of New Zealand, 1st Test Day 2, LIVE NOW on Sony Sports Network TV channels & Sony LIV.
#SonySportsNetwork #SonyLIV #NZvIND
— Sony Sports Network (@SonySportsNetwk) November 20, 2026
Glenn Phillips World Record: 2026માં ભારત સામે ત્રણ સદી
વર્ષ 2026માં ફિલિપ્સે ભારત સામે ત્રણેય ફોર્મેટમાં સદી નોંધાવી છે. તેણે ઓકલેન્ડમાં T20 મેચમાં 107 રન, ઇન્દોરમાં વનડેમાં 106 રન અને હવે વેલિંગ્ટન ટેસ્ટમાં 118 રન બનાવ્યા છે.
આ સાથે તે ન્યૂઝીલેન્ડનો પ્રથમ એવો બેટર બન્યો છે, જેણે એક જ ટીમ સામે એક જ વર્ષમાં ત્રણેય ફોર્મેટમાં સદી ફટકારી હોય.
એકંદર કારકિર્દીના રેકોર્ડની વાત કરીએ તો ભારત સામે ત્રણેય ફોર્મેટમાં સદી ફટકારનારા બેટરોમાં ફિલિપ્સ ત્રીજા ક્રમે છે. તેમના પહેલાં ઓસ્ટ્રેલિયાના શેન વૉટસન અને વેસ્ટ ઇન્ડિઝના શાઈ હોપ આ સિદ્ધિ મેળવી ચૂક્યા છે.
બીજી તરફ, રોહિત શર્માના નામે પણ એક વિશેષ રેકોર્ડ છે. તેમણે દક્ષિણ આફ્રિકા, શ્રીલંકા, ઇંગ્લેન્ડ અને વેસ્ટ ઇન્ડિઝ સામે ત્રણેય ફોર્મેટમાં સદી ફટકારી છે. આ રીતે ફિલિપ્સની સિદ્ધિએ આંતરરાષ્ટ્રીય ક્રિકેટમાં એક નવો રેકોર્ડ ઉમેર્યો છે.

