North Korea Automatic Nuclear Attack ઉત્તર કોરિયાના સરમુખત્યાર કિમ જોંગ ઉને ફરી એકવાર વિશ્વને ચોંકાવી દીધું છે. ઉત્તર કોરિયાએ તેના બંધારણમાં મોટો ફેરફાર કરીને પરમાણુ હુમલાની નીતિને અત્યંત આક્રમક બનાવી દીધી છે. નવા બંધારણીય સુધારા મુજબ, જો કિમ જોંગ ઉન અથવા દેશના નેતૃત્વ પર કોઈ ખતરો જણાશે અથવા તેમના પર હુમલો થશે, તો ઉત્તર કોરિયાની સેના આપમેળે (Automatically) દુશ્મન દેશ પર પરમાણુ હુમલો કરી દેશે.
North Korea Automatic Nuclear Attac ‘ઓટોમેટિક ન્યુક્લિયર સ્ટ્રાઈક’ શું છે?
આ નવી નીતિનો મુખ્ય ઉદ્દેશ્ય અમેરિકા અને દક્ષિણ કોરિયા જેવા દેશો દ્વારા કરવામાં આવતી ‘ડિકેપિટેશન સ્ટ્રાઈક’ (નેતૃત્વને ખતમ કરવાની યોજના) ને રોકવાનો છે. અત્યાર સુધી પરમાણુ હુમલાનો આદેશ સર્વોચ્ચ નેતાના હાથમાં હતો, પરંતુ હવે જો નેતૃત્વ હુમલાનો આદેશ આપવાની સ્થિતિમાં ન હોય, તો પણ સિસ્ટમ પોતે જ નક્કી કરેલા લક્ષ્યો પર પરમાણુ મિસાઇલો છોડી દેશે.
કિમ જોંગ ઉનનું કડક વલણ
આ ફેરફાર બાદ કિમ જોંગ ઉને સ્પષ્ટ કર્યું છે કે ઉત્તર કોરિયાની પરમાણુ શક્તિ હવે ‘અફર’ (Irreversible) બની ગઈ છે. તેમણે જાહેર કર્યું કે દેશ હવે ક્યારેય પરમાણુ હથિયારો છોડશે નહીં અને આ અંગે કોઈ વાટાઘાટો પણ કરવામાં આવશે નહીં. આ પગલાંથી દક્ષિણ કોરિયા અને અમેરિકા સાથેના તણાવમાં મોટો ઉછાળો આવવાની શક્યતા છે.
દુનિયા માટે ચિંતાનો વિષય
સંરક્ષણ નિષ્ણાતો માને છે કે ‘ઓટોમેટિક એટેક’ ની આ નીતિ અત્યંત જોખમી છે, કારણ કે ટેકનિકલ ખામી કે ખોટી માહિતીના આધારે પણ પરમાણુ યુદ્ધ ફાટી નીકળી શકે છે. ઉત્તર કોરિયાએ પોતાને એક ‘પરમાણુ હથિયાર સંપન્ન રાષ્ટ્ર’ તરીકે બંધારણીય રીતે માન્યતા આપીને વિશ્વ સમુદાયના દબાણને ફગાવી દીધું છે.
આ પણ વાંચો: પશ્ચિમ એશિયા સંઘર્ષ: હોર્મુઝ સ્ટ્રેટમાં 20,000 ભારતીય નાવિકો ફસાયા
