Gujarat Police Cyber Fraud Crackdown: ગુજરાત પોલીસના [Gujarat Police] સાયબર ક્રાઈમ વિભાગને આંતરરાષ્ટ્રીય સ્તરે ફેલાયેલા છેતરપિંડીના નેટવર્કને તોડી પાડવામાં મોટી સફળતા મળી છે. પોલીસે દેશભરમાં નોંધાયેલા ૩૭૫ જેટલા કેસો સાથે સંકળાયેલા અંદાજે ૭૭ કરોડ રૂપિયાના સાયબર કૌભાંડનો [Cyber Fraud] પર્દાફાશ કર્યો છે. આ ઓપરેશન દરમિયાન રાજ્યના વિવિધ શહેરો અને ગોવા [Goa] ખાતેથી કુલ ૧૬ રીઢા ગુનેગારોની ધરપકડ કરવામાં આવી છે. આરોપીઓ નકલી બેંક ખાતાઓનું નેટવર્ક બનાવી સાયબર ગુના અને જુગાર દ્વારા મેળવેલા નાણાંની હેરફેર કરતા હોવાનું બહાર આવ્યું છે.
દુબઈ સુધી ફેલાયેલા છે આંતરરાષ્ટ્રીય કૌભાંડના તાર [Gujarat Police Cyber Fraud Crackdown]
સીઆઈડી ક્રાઈમના [CID Crime] એસપી વિવેક ભેડાએ [Vivek Bheda] જણાવ્યું હતું કે, પકડાયેલા ૧૬ આરોપીઓ પૈકી ૯ આરોપીઓની ગોવાથી, ૫ની વડોદરાથી [Vadodara] અને ૨ આરોપીઓની પાલનપુરથી [Palanpur] અટકાયત કરવામાં આવી છે. તપાસમાં ખૂલ્યું છે કે આ નેટવર્ક વોટ્સએપ અને ટેલિગ્રામ દ્વારા દુબઈમાં [Dubai] બેઠેલા હેન્ડલર્સ સાથે સીધા સંપર્કમાં હતું. આરોપીઓએ અન્ય વ્યક્તિઓના નામે બેંક ખાતા અને સિમ કાર્ડ મેળવીને સાયબર છેતરપિંડીની રકમને સગેવગે કરવા માટે એક આખું ઈકોસિસ્ટમ તૈયાર કર્યું હતું.
નકલી કંપનીઓ અને સેંકડો બેંક ખાતાઓનો પર્દાફાશ [Fake Companies and Bank Accounts Network]
તપાસ દરમિયાન આરોપીઓના મોબાઈલમાંથી ૨૬૦ થી વધુ બેંક ખાતાઓની વિગતો મળી આવી છે. આરોપીઓએ નાણાંની હેરફેર એટલે કે મની લોન્ડરિંગ [Money Laundering] કરવા માટે ૩ જેટલી નકલી કંપનીઓ [Shell Companies] પણ ઉભી કરી હતી. પોલીસે દરોડા દરમિયાન ૧૫ લેપટોપ, ૮૫ મોબાઈલ ફોન, ૧૨૬ સિમ કાર્ડ, ૧૧૫ ડેબિટ કાર્ડ અને ૮૨ પાસબુક જેવી સાધન-સામગ્રી જપ્ત કરી છે. લેપટોપના ટેકનિકલ વિશ્લેષણથી બેંક લોગિન અને ટ્રાન્ઝેક્શનની ચોંકાવનારી વિગતો પ્રકાશમાં આવી છે, જે સાયબર ક્રાઈમના આંતરરાષ્ટ્રીય કનેક્શનની પુષ્ટિ કરે છે.
આ પણ વાંચો: અમદાવાદ ઢોસા કેસ: ખીરું નહીં પણ ઝેર હોવાની આશંકા, નવો વળાંક
