Tiger Shroff Firing Case Aamir Khan Target: ગત 18 ઓક્ટોબરના રોજ બોલિવૂડ અભિનેતા ટાઇગર શ્રોફની કાર પર થયેલા ગોળીબારની ઘટનાએ સમગ્ર ફિલ્મ ઇન્ડસ્ટ્રીને હચમચાવી દીધી હતી. આ કેસમાં પોલીસે અગાઉ અનેક ધરપકડો કરી છે અને તપાસ ચાલી રહી છે, ત્યારે હવે એક અત્યંત ચોંકાવનારો અહેવાલ સામે આવ્યો છે. પ્રાપ્ત માહિતી અનુસાર, હુમલાખોરોનું અસલી અને મૂળ નિશાન ટાઇગર શ્રોફ નહીં પરંતુ સુપરસ્ટાર આમિર ખાન હતો.
રિપોર્ટ મુજબ, શંકાસ્પદો આમિર ખાન સુધી પહોંચવામાં મુશ્કેલી અનુભવી રહ્યા હતા, કારણ કે આમિર ઘણીવાર ફિલ્મ શૂટિંગ માટે બહાર રહેતા હતા અને તેમનું શેડ્યૂલ અનિશ્ચિત રહેતું હતું. શંકાસ્પદો ઓછામાં ઓછા ત્રણ વખત તેમના ઘરની નજીક આવ્યા હતા, પરંતુ સફળતા ન મળતા તેમણે પોતાનું લક્ષ્ય બદલ્યું હતું. બીજી તરફ, ટાઇગર શ્રોફ નિયમિતપણે રવિવારે જુહુ પાર્કમાં ફૂટબોલ મેચ રમતા હોવાથી તેમની ગતિવિધિઓ સરળતાથી ટ્રેક થઈ શકતી હતી, જેના કારણે શૂટર્સે ટાઇગરને નિશાન બનાવ્યો હતો. આ સમગ્ર કાવતરાને કથિત રીતે જુલાઈમાં મળેલી લોરેન્સ બિશ્નોઈ ગેંગની ધમકીઓ સાથે જોડવામાં આવી રહ્યું છે.
Tiger Shroff Firing Case Aamir Khan Target: VoIP નો ઉપયોગ અને વાયરલ ફેક વીડિયોનું સત્ય
તપાસકર્તાઓને શંકા છે કે હુમલાખોરોના હેન્ડલર્સે પોલીસ કાર્યવાહીની વાસ્તવિક સમયની માહિતી આપવા માટે એન્ક્રિપ્ટેડ વોઇસ ઓવર ઇન્ટરનેટ પ્રોટોકોલ (VoIP) મેસેજિંગ એપ્લિકેશનનો ઉપયોગ કર્યો હતો. બીજી તરફ, આ ઘટના બાદ સોશિયલ મીડિયા પર ટાઇગર શ્રોફના નામે એક નિવેદન વાયરલ થયું હતું જેમાં દાવો કરાયો હતો કે તે આઘાતમાં છે. જોકે, ટાઇગરની ટીમે સ્પષ્ટતા કરી છે કે આ બધું ખોટું છે અને અભિનેતાએ આવું કોઈ નિવેદન આપ્યું નથી. ચાહકોને AI જનરેટેડ વીડિયો અને અવાવા સામાજીક માધ્યમોની ભ્રામક માહિતીથી દૂર રહેવા અપીલ કરવામાં આવી છે.
