Iqbal Sheikh : અમદાવાદના ગોમતીપુર વિસ્તારમાં એક નામ એવું છે, જે કોઈ રાજકીય પરિચયનું મોહતાજ નથી. એ નામ છે ઇકબાલ શેખ. ગોમતીપુરની ગલીઓમાં તેમને માત્ર એક કોર્પોરેટર કરતાં વધુ એક ‘પરિવારના સભ્ય’ અને વિસ્તારના સાચા હમદર્દ તરીકે ઓળખવામાં આવે છે. પદ ગમે તે હોય, પણ ગોમતીપુરની જનતા માટે ઇકબાલ શેખ એટલે અડધી રાતના સાદનો સથવારો અને મુશ્કેલીના સમયનો સૌથી મોટો આધાર.
Iqbal Sheikh : જનતાના નેતા
ગોમતીપુરની જનતા ઇકબાલ શેખને આટલો પ્રેમ કેમ કરે છે? કારણ કે તેઓ એસી ચેમ્બરમાં બેસીને માત્ર આદેશો આપનારા નેતા નથી. રાતના બે વાગ્યે કોઈ ગરીબ પરિવારમાં મેડિકલ ઇમરજન્સી આવે, કોઈને તાત્કાલિક હોસ્પિટલ પહોંચાડવાના હોય કે પછી પોલીસ સ્ટેશનના જટિલ કામ હોય, ઇકબાલ શેખ એક સાચા સાથીની જેમ કોઈ પણ સમયે લોકોની વ્હારે પહોંચી જાય છે. વિસ્તારના બિસ્માર રસ્તા, વરસાદમાં માથાના દુખાવા સમાન ગટર કે પીવાના પાણીની સમસ્યા હોય, તેઓ કોર્પોરેશનના અધિકારીઓ પાસે ઊભા રહીને પ્રજાના હકના કામ કઢાવે છે.
પ્રજાના પ્રશ્નો માટે સત્તાધીશો સામે ધારદાર રજૂઆત
ઇકબાલ શેખની સૌથી મોટી તાકાત એમનો બુલંદ અવાજ અને નિડરતા છે. ગોમતીપુરની જનતાને લગતો કોઈપણ પ્રશ્ન હોય, તેઓ ક્યારેય પીછેહઠ કરતા નથી. કોર્પોરેશનની સામાન્ય સભા (બોર્ડ મીટિંગ) હોય કે પછી ઉચ્ચ અધિકારીઓની ચેમ્બર, લોકોની સમસ્યાઓ ઉકેલવા માટે તેઓ હંમેશા તર્કબદ્ધ અને ધારદાર રજૂઆત કરે છે. ગોમતીપુરના વિકાસ માટે ગ્રાન્ટ લાવવાની હોય કે પછી સ્થાનિકોના હક માટે લડવાનું હોય, જરૂર પડે તો તેઓ આક્રમક વલણ અપનાવતા પણ અચકાતા નથી. તેમના આ નિડર અને સ્પષ્ટ વક્તા તરીકેના અભિગમને કારણે જ વહીવટીતંત્રને પણ ગોમતીપુરના કામો તાત્કાલિક અસરથી કરવા પડે છે.
લોકોના સુખ-દુઃખના સાચા સાથીદાર
માત્ર રાજકીય કે વહીવટી કામો જ નહીં, પરંતુ ગોમતીપુરના દરેક પરિવારના સુખ-દુઃખમાં તેઓ એક વડીલ અને મોભી તરીકે ખભેખભો મિલાવીને ઊભા રહે છે. વિસ્તારના લોકોના સામાજિક પ્રસંગો હોય કે કોઈ પરિવાર પર આવેલી અણધારી આફત, ઇકબાલ શેખની હાજરી અને હૂંફ લોકોને હંમેશા મળે છે. ગોમતીપુરના લોકો માટે ઇકબાલ શેખ માત્ર એક નેતા નથી, પણ એક એવી મજબૂત ઢાલ છે જેમણે પ્રજાના દરેક પ્રશ્નને પોતાનો પ્રશ્ન માન્યો છે. જનતાનો આ જ અતૂટ વિશ્વાસ તેમને ગોમતીપુરના દિલોમાં હંમેશા અજેય રાખે છે.
આ પણ વાંચો: ઇકબાલ શેખની ઓળખ પાર્ટી નહીં, પણ તેમના સેવાકીય કાર્યો છે! આ વખતે AIMIM માંથી લડશે ચૂંટણી
