Congress state presidents Aradhana Misra ઉત્તર પ્રદેશ અને પંજાબમાં આગામી વર્ષની શરૂઆતમાં વિધાનસભા ચૂંટણી થવાની છે. તે પહેલાં કોંગ્રેસે મોટો નિર્ણય લઈ બંને રાજ્યોના પ્રદેશ અધ્યક્ષ બદલી નાખ્યા છે. ગાંધી જયંતિના દિવસે શુક્રવારે કોંગ્રેસ હાઈકમાન્ડે આ જાહેરાત કરી.
Congress state presidents Aradhana Misra યુપીમાં આરાધના મિશ્રા
અજય રાયની જગ્યાએ આરાધના મિશ્રા ઉર્ફે મોના તિવારીને યુપી કોંગ્રેસની કમાન સોંપાઈ છે. તેઓ પ્રતાપગઢની રામપુર ખાસ બેઠકથી ધારાસભ્ય અને વિધાનમંડળ દળના નેતા છે, તેમજ કોંગ્રેસના વરિષ્ઠ નેતા પ્રમોદ તિવારીના દીકરી છે. તેમની સાથે સહારનપુરના સાંસદ ઈમરાન મસૂદને યુપીમાં કાર્યકારી અધ્યક્ષની જવાબદારી અપાઈ છે.
પંજાબમાં પરગટ સિંહ
પૂર્વ ઓલિમ્પિયન અને જાલંધર કેન્ટના ધારાસભ્ય પરગટ સિંહને પંજાબ પ્રદેશ કોંગ્રેસ કમિટીના નવા અધ્યક્ષ બનાવાયા છે. તેમને અમરિંદર સિંહ રાજા વડિંગની જગ્યાએ જવાબદારી સોંપાઈ છે.
પહેલેથી ચાલતી હતી ચર્ચા
ચૂંટણી પહેલાં બંને રાજ્યોના અધ્યક્ષ બદલવાની ચર્ચા ચાલી રહી હતી. યુપી કોંગ્રેસના પ્રભારી રાજેન્દ્ર પાલ ગૌતમે પણ તાજેતરમાં સ્પષ્ટ કર્યું હતું કે પ્રદેશ અધ્યક્ષ અંગે નિર્ણય લેવાનો અધિકાર કેન્દ્રીય નેતૃત્વ પાસે છે.
ચૂંટણીને હવે થોડા મહિના જ બાકી હોવાથી આ ફેરફારને સંગઠનમાં નવો જોશ ભરવાના પ્રયાસ તરીકે જોવાઈ રહ્યો છે. ઉત્તર પ્રદેશ લોકસભામાં સૌથી વધુ સાંસદ મોકલતું રાજ્ય છે, જ્યારે પંજાબમાં કોંગ્રેસ પરંપરાગત રીતે મહત્ત્વની ભૂમિકામાં રહી છે. ઉમેદવારોની પસંદગી, ગઠબંધન અને ચૂંટણી પ્રચારની વ્યૂહરચના બાબતે નવા અધ્યક્ષો કેવો અભિગમ અપનાવે છે તેના પર સૌની નજર રહેશે.
યુપીમાં એક અગ્રણી મહિલા નેતા અને પંજાબમાં રમતવીરમાંથી રાજકારણી બનેલા નેતાની પસંદગી અનુભવ અને નવી છબી વચ્ચે સંતુલન સાધવાનો પ્રયાસ ગણાય છે. જોકે નવા અધ્યક્ષો સામે જૂથબંધી દૂર કરવાનો અને કાર્યકરોનું મનોબળ વધારવાનો પડકાર રહેશે.
copy edit-mustak malek
સુપ્રીમ કોર્ટનો મોટો નિર્ણય: બાકી ઈ-ચલણ નહીં ભરો તો RC, ફિટનેસ અને PUC બંધ
