મહેમદાવાદ રેતી ચોરી – મહેમદાવાદ શહેર અને તાલુકો હાલમાં ગેરકાયદેસર રેતી ચોરી માટેનું મોટું સેન્ટર બની ગયું છે. વાત્રક નદીના પટમાંથી ખનીજ માફિયાઓ સરકારના તમામ નિયમોને નેવે મૂકીને બિન્દાસપણે ખુલ્લેઆમ ખનન અને રેતી ચોરી કરી રહ્યા છે. સરકારી અધિકારીઓના અંગત સ્વાર્થના કારણે આ ગેરકાયદેસર કારોબાર બેરોકટોક ચાલી રહ્યો છે.
મહેમદાવાદ રેતી ચોરી: સેવાદળ રોડ પર ઓવરલોડ વાહનોનો આતંક
મહેમદાવાદના ઐતિહાસિક સેવાદળ રોડનો ઉપયોગ માફિયાઓ દ્વારા બેફામ રેતીની ચોરી માટે કરવામાં આવી રહ્યો છે. આ માર્ગ પર એક સ્કૂલ આવેલી હોવા છતાં, દિવસ-રાત ચોવીસ કલાક ઓવરલોડ રેતી ભરેલા ટ્રેક્ટરો અને ડમ્પરો અહીંથી બેરોકટોક પસાર થાય છે. ગુંડાગીરી પર ઉતરી આવેલા આ ખનીજ માફિયાઓના ઓવરલોડ વાહનોને કારણે આ રોડ પર ગમે ત્યારે ગંભીર અકસ્માત સર્જાવાની પૂરેપૂરી શક્યતા છે.નિયમો અને કાયદાઓ જાણે માત્ર કાગળ પર જ રહી ગયા હોય તેમ, આ ખનીજ માફિયાઓ બેરોકટોક પોતાનો કાળો કારોબાર ચલાવી રહ્યા છે.
ખનીજ માફિયાઓ કરી રહ્યા છે સરકારના નિયમોની ઐસી કી તૈસી
આ ખનીજ માફિયાઓ સરકારના નિયમોની ઐસી કી તૈસી કરીને ગેરકાયદેસર વેપાર ચલાવી રહ્યા છે. તેમના આ બેફામ કાળા કારોબારના લીધે રાજ્ય સરકારને રોયલ્ટીની આવકમાં મોટું નુકસાન ઉઠાવવાનો વારો આવ્યો છે. વિશ્વસનીય સૂત્રોના જણાવ્યા અનુસાર, મહેમદાવાદના સરકારી અધિકારીઓનો પોતાનો અંગત સ્વાર્થ સધાતો હોવાથી તેઓ આ ખુલ્લી લૂંટ સામે જાણીજોઈને આંખ આડા કાન કરી રહ્યા છે. આ ગંભીર પરિસ્થિતિને જોતા સ્થાનિક લોકોમાં ભારે રોષ જોવા મળી રહ્યો છે. સરકાર વહેલી તકે આ ગેરકાયદે ખનીજ માફિયાઓ સામે કડક કાર્યવાહી કરે તેવી પ્રબળ લોકમાંગ ઊભી થઈ છે.
સૌથી ચોંકાવનારી વાત:
જે ઐતિહાસિક સેવાદળ રોડ પર સ્કૂલ આવેલી છે, એ જ રોડનો ઉપયોગ રેતી ચોરી માટે થઈ રહ્યો છે! અહીંથી ટ્રેક્ટર અને ડમ્પરો ઓવરલોડ રેતી ભરીને ચોવીસ કલાક બેરોકટોક દોડે છે. સવાલ એ છે: જો કોઈ ગંભીર અકસ્માત થશે, તો જવાબદાર કોણ? સરકાર અને જિલ્લા તંત્ર તાત્કાલિક કડક કાર્યવાહી કરે, ઓવરલોડ વાહનો જપ્ત કરે, સેવાદળ રોડ પર નિયંત્રણ મૂકે અને દોષિતો સામે દાખલારૂપ પગલાં લે તેવી લોક માંગ છે.
