Haldharwas Tiranga Yatra ખેડા [Kheda] જિલ્લાના મહેમદાવાદ તાલુકાના હલધરવાસ ખાતે ૧૧ ઓગસ્ટ, ૨૦૨૬ ના રોજ તાલુકા કક્ષાની ભવ્ય તિરંગા યાત્રા [Tiranga Yatra] નું ભવ્ય આયોજન કરવામાં આવ્યું હતું. આ રાષ્ટ્રપ્રેમની યાત્રાને મહેમદાવાદના લોકપ્રિય ધારાસભ્ય અર્જુનસિંહ ચૌહાણ [Arjunsinh Chauhan] દ્વારા લીલી ઝંડી આપીને પ્રસ્થાન કરાવવામાં આવ્યું હતું. નાયરા પેટ્રોલ પંપ પાસેથી શરૂ થયેલી આ પગપાળા તિરંગા યાત્રા આશરે દોઢ કિલોમીટર સુધી હલધરવાસ બજાર, કવિ માર્ગ અને પંચાયત ઓફિસ જેવા વિવિધ વિસ્તારોમાંથી પસાર થઈ હતી, જેના કારણે સમગ્ર વાતાવરણ ‘ભારત માતા કી જય’ અને ‘વંદે માતરમ’ના નારાથી ગુંજી ઉઠ્યું હતું.
Haldharwas Tiranga Yatra હલધરવાસ ખાતે ભવ્ય તિરંગા યાત્રાનું આયોજન
આ રાષ્ટ્રીય પર્વની યાત્રામાં મોટી સંખ્યામાં અગ્રણીઓ અને નાગરિકોએ ઉત્સાહભેર હાજરી આપી હતી. યાત્રા દરમિયાન આસપાસના વિસ્તારોમાં દેશભક્તિનો અદ્ભુત માહોલ જોવા મળ્યો હતો અને નાગરિકોએ ફૂલવર્ષા કરીને યાત્રાનું સ્વાગત કર્યું હતું.
મહાનુભાવો અને વિદ્યાર્થીઓની વિશાળ ઉપસ્થિતિ
આ ભવ્ય આયોજનમાં જિલ્લા કક્ષાએથી ડેપ્યુટી કલેક્ટર, મામલતદાર વી. ડી. દેસાઈ અને તેમનો સ્ટાફ, મહેમદાવાદ પોલીસ સ્ટેશનના પી.આઈ. રાઠોડ, પી.એસ.આઈ. તેમજ પોલીસ જવાનો, હોમગાર્ડ જવાનો અને આર્મી જવાનો વિશેષરૂપે જોડાયા હતા. આ ઉપરાંત તાલુકા પંચાયત પ્રમુખ અજયભાઈ, ભાજપ સંગઠન પ્રમુખ વિષ્ણુભાઈ ડાભી, પદાધિકારીઓ, જિલ્લા પંચાયત સભ્યો અને સરપંચો ઉપસ્થિત રહ્યા હતા. હલધરવાસની હાઈસ્કૂલ તથા પ્રાથમિક શાળાના આશરે ૧૮૦૦ જેટલા વિદ્યાર્થીઓ, આચાર્યો, શિક્ષકો તેમજ સ્થાનિક વેપારીઓ અને નાગરિકોએ પણ આ યાત્રામાં જોડાઈને અદ્ભુત દેશભક્તિ દર્શાવી હતી.
આ પણ વાંચો પાસપોર્ટ વેરિફિકેશન માટે હવે પોલીસ સ્ટેશનના ધક્કામાંથી મુક્તિ,ગુજરાતમાં વેરિફિકેશન પ્રક્રિયા બની સરળ
